Depýtat Berik Dúisenbinov Saiasi qýǵyn-súrgin qurbandaryn aqtaý jónindegi memlekettik komissiiaǵa birneshe usynys tastady, dep habarlaidy "Ult aqparat".
Premer-Ministr orynbasary Eraly Toǵjanovqa baǵyttaǵan depýtattyq saýalynda májilismen Hangeldi Ábjanov tóraǵalyq etetin «Ádilet» qoǵamy men professor Ǵarifolla Ánes basqaratyn «Arys» qoryna ashtyq qurbandaryn anyqtap, tizimdeý jumystaryn qolǵa alýda memlekettik deńgeide qoldaý kórsetý kerek degen oi aitady.
«Búginde Alash áskeriniń quramynda júrip janyn pida etkenderdiń suraý salatyn izdeýshileri de joq. Árine, olar áli kúnge deiin aqtalǵan joq. Nur Otan fraktsiiasyndaǵy áriptesimiz Berik Ábdiǵaliuly bul taqyrypty zertteýdi bastap ketken de bolatyn. Bul kóterilisterde qurban bolǵan batyr babalarymyz ben Alash áskeriniń quramynda júrip, janyn pida etkenderdiń tizimin anyqtaýdy resmi qolǵa alý qajet», - dedi depýtat.
Ol, sonymen birge, repressiia men ashtyqtan qashyp, shekarada qyzyldardyń qyrǵynyna ushyraǵan bosqyndardyń tizimin ártúrli derekkózderdi paidalana otyryp anyqtaýdy usyndy.
«1920-1930 jyldary bolǵan 360-tan astam qarýly kóterilis pen ashtyq qurbandaryn tizimdeý barysynda olardyń týystary men búgingi urpaqtaryn izdestirip, ony jariialap jáne jańalap otyrý úshin arnaiy resmi sait ashyp, onyń turaqty jumys isteýin qamtamasyz etý jáne bul sharalardy «Rýhani jańǵyrý» baǵdarlamasy aiasynda júzege asyrý kerek» delingen depýtattyq saýalda.
