Foto: kaz.elorda.info
Aldaǵy Parlament sailaýyna barlyǵy 892 kandidat usynyldy. Bul týraly Ortalyq sailaý komissiiasynyń otyrysynda aityldy, dep habarlaidy Sputnik Qazaqstan.
Májilis depýtattyǵyna kandidattar usyný 8 aqpan 18.00-de aiaqtalǵan bolatyn. OSK málimetinshe, 7 partiialyq tizim boiynsha Májilis depýtattyǵyna 283 kandidat usynyldy:
1. "Qazaqstan halyq partiiasy" – 52 kandidat;
2. "Aq jol" Qazaqstan demokratiialyq partiiasy – 54 kandidat;
3. "Aýyl" halyqtyq-demokratiialyq patriottyq partiiasy – 25 kandidat;
4. "Amanat" partiiasy – 90 kandidat;
5. "Respublica" partiiasy – 25 kandidat;
6. Jalpyulttyq sotsial-demokratiialyq partiia – 19 kandidat;
7. "Baitaq" jasyldar partiiasy – 18 kandidat.
Sondai-aq birmandattyq okrýgter boiynsha Májilis depýtattyǵyna qansha kandidat usynylǵany da belgili boldy.
Barlyǵy 29 okrýg boiynsha 609 kandidat usynylyp otyr. Onyń ishinde 7 saiasi partiiadan – 79 úmitker, tórt qoǵamdyq birlestikten – 5 kandidat, qalǵan 525-i – ózin-ózi usynǵandar.
Kandidattar men saiasi partiialardy tirkeý 18 aqpan 18.00-ge deiin jalǵasady. Sailaý aldyndaǵy úgit 18 aqpan 18.01-de bastalyp, 18 naýryz saǵat 00.00-de aiaqtalady.
18 naýryz – tynyshtyq kúni.
Aita keteri, Parlament Májilisi 98 depýtattan quralady: 69 depýtat partiialyq tizimder boiynsha, al 29 depýtat birmandattyq aýmaqtyq okrýgter boiynsha sailanady.
Májilis pen máslihat depýtattarynyń kezekten tys sailaýy 19 naýryzda ótedi.
