Búgin Májilis depýtattary jalpy otyrysta qaitys bolǵan belgili memleket jáne qoǵam qairatkeri Temirhan Dosmuhambetovti bir minýt únsizdikpen eske aldy, dep habarlaidy QazAqparat tilshisi.
«1 qarashada belgili memleket jáne saiasi qairatker, tanymal tulǵa, Parlament Májilisiniń besinshi shaqyrylym depýtaty Temirhan Myńaidaruly Dosmuhambetov ómirden ótti. Ol Qazaqstanymyzdyń saiasi-ekonomikalyq damýyna, týrizm jáne sport salasynyń ósip-órkendeýine úlken úles qosty. Parlament depýtaty bolyp elimizdiń zań salasynyń qalyptasýyna da zor yqpal etti», - dedi Májilis tóraǵasy Nurlan Nyǵmatýlin.
Osy oraida T. Dosmuhambetov ózine júktelgen qyzmetin úlken abyroimen atqarǵany atap ótildi.
«Táýelsiz Qazaqstan tarihynda óshpes iz qaldyrǵan Temirhan Myńaidarulynyń aqjarqyn asyl beinesi júregimizde máńgi saqtalady. Marqumnyń otbasyna jáne barsha jaqyndaryna orny tolmas aýyr qaiǵyǵa ortaqtasyp kóńil aitamyz», - dedi N. Nyǵmatýlin.
Jalpy otyrystyń basynda depýtattar Gleb Shegelskiidi bir minýt únsizdikpen eske aldy.
