بٷگٸن مەجٸلٸس دەپۋتاتتارى جالپى وتىرىستا قايتىس بولعان بەلگٸلٸ مەملەكەت جەنە قوعام قايراتكەرٸ تەمٸرحان دوسمۇحامبەتوۆتٸ بٸر مينۋت ٷنسٸزدٸكپەن ەسكە الدى, دەپ حابارلايدى قازاقپارات تٸلشٸسٸ.
«1 قاراشادا بەلگٸلٸ مەملەكەت جەنە ساياسي قايراتكەر, تانىمال تۇلعا, پارلامەنت مەجٸلٸسٸنٸڭ بەسٸنشٸ شاقىرىلىم دەپۋتاتى تەمٸرحان مىڭايدارۇلى دوسمۇحامبەتوۆ ٶمٸردەن ٶتتٸ. ول قازاقستانىمىزدىڭ ساياسي-ەكونوميكالىق دامۋىنا, تۋريزم جەنە سپورت سالاسىنىڭ ٶسٸپ-ٶركەندەۋٸنە ٷلكەن ٷلەس قوستى. پارلامەنت دەپۋتاتى بولىپ ەلٸمٸزدٸڭ زاڭ سالاسىنىڭ قالىپتاسۋىنا دا زور ىقپال ەتتٸ», - دەدٸ مەجٸلٸس تٶراعاسى نۇرلان نىعماتۋلين.
وسى ورايدا ت. دوسمۇحامبەتوۆ ٶزٸنە جٷكتەلگەن قىزمەتٸن ٷلكەن ابىرويمەن اتقارعانى اتاپ ٶتٸلدٸ.
«تەۋەلسٸز قازاقستان تاريحىندا ٶشپەس ٸز قالدىرعان تەمٸرحان مىڭايدارۇلىنىڭ اقجارقىن اسىل بەينەسٸ جٷرەگٸمٸزدە مەڭگٸ ساقتالادى. مارقۇمنىڭ وتباسىنا جەنە بارشا جاقىندارىنا ورنى تولماس اۋىر قايعىعا ورتاقتاسىپ كٶڭٸل ايتامىز», - دەدٸ ن. نىعماتۋلين.
جالپى وتىرىستىڭ باسىندا دەپۋتاتتار گلەب ششەگەلسكييدٸ بٸر مينۋت ٷنسٸزدٸكپەن ەسكە الدى.
