Búgin Májiliste Birikken Ulttar Uiymy Áielder jaǵdaiy jónindegi komissiiasynyń 65-shi sessiiasyna daiyndalý maqsatynda Ortalyq Aziia elderiniń kóshbasshy áielder dialogynyń konsýltatsiialary onlain formatta ótti.
Bul týraly "Ult aqparat" QR Prlamenti Májilisiniń baspasóz qyzmetine silteme jasap habarlaidy.
Is-sharaǵa Ózbekstan Respýblikasy Olii Majlis Senatynyń tóraǵasy, Ortalyq Aziia elderi kóshbasshylary áielder dialogynyń tóraǵasy T.Narbaeva jetekshilik etip, Túrkimenstannan, Qyrǵyzstannan, Tájikstannan Parlament ókilderi qatysty.
Qazaqstandyq taraptan Májilis Tóraǵasynyń orynbasary B. Kesebaeva jáne depýtattar A.Quspan men L. Ramazanova qatysty.
Otyrys barysynda qoǵamdyq ómirge tolyqqandy jáne tiimdi qatysý jáne sheshimder qabyldaý úshin genderlik teńdik, áiel-kóshbasshylar týraly birqatar máseleler kóterilip, talqylandy.
Óz kezeginde, vitse-spiker Balaim Kesebaeva áielderdiń jaǵdaiy, olardyń quqyqtary men múmkindikterin iske asyrýda teńdikke qol jetkizý máseleleri kóptegen memleketter, sonyń ishinde Ortalyq Aziia elderi men Qazaqstan úshin ózekti bolyp qala beretinine nazar aýdaryp, Qazaqstannyń qalyptasý jyldarynda bul baǵytta kóptegen jumystar atqarylǵanyna toqtaldy.
Sonymen qatar vitse-spiker Tuńǵysh Prezident-Elbasy Nursultan Ábishuly Nazarbaevtyń bastamasymen elde saiasi, ekonomikalyq, áleýmettik jáne rýhani jańǵyrtý boiynsha keshendi sharalar jáne Ulttyq deńgeide 2030 jylǵa deiingi otbasylyq jáne genderlik saiasat tujyrymdamasy qabyldanyp, iske asyrylyp jatqanyna nazar aýdardy.
Pikirtalas barysynda B.Kesebaeva jahandyq daǵdarystan kezeń-kezeńimen shyǵý usynymdaryn ázirleýge baǵyttalýy tiis daǵdarysqa qarsy ortalyq qurýdy jáne áielder men balalardyń quqyqtaryn qorǵaýdyń iske asyrylyp jatqan memlekettik sharalary boiynsha elder arasyndaǵy ozyq tájiribeni jedel almasýdyń biryńǵai bankisin qurýdy, áielderdiń menshiktiń barlyq nysandaryna, qarjylyq qyzmetterge ielik etýge jáne baqylaýǵa qol jetkizýin ulǵaitýǵa qatysty jáne halyq arasynda genderlik teńdik týraly aqparatty arttyrý siiaqty birshama máselelerdi usyndy.
Qatysýshylar otyrysta Ortalyq Aziia kóshbasshylary áielderiniń dialogynyń 2021 jylǵa arnalǵan is-qimyl josparynyń jobasyn talqylady.
«2021 jyly bizdiń birlesken kúsh-jigerimizdi ekonomikalyq múmkindikterdi keńeitý jáne aýyldyq jerlerdegi áielderdi qoldaý máselelerin talqylaýǵa baǵyttaǵan jón dep sanaimyn. Jer-jerlerde lokdaýn kezeńinde shalǵaidaǵy aýyldyq óńirlerdegi áielder, ádette, qarjylyq jáne basqa resýrstarǵa, onyń ishinde infraqurylym men tehnologiialarǵa qol jetkize almady. Bul turǵyda bizdiń óńirdegi aýyldyq jerlerdegi áielderdiń jaǵdaiy Ortalyq Aziia elderiniń kópshiligine tán jáne kún tártibindegi ózekti másele» - dedi B. Kesebaeva.
