Májilis depýtattary kanikýlǵa 10 kún kesh shyǵatyn boldy. Dástúrli túrde 1 shilde demalysqa ketetin depýtattar bul joly 10 shildege deiin jumys istemek. Bul týraly depýtat Vasilii Oleinik búgingi Májilistiń jalpy otyrysynan keiin tilshiler saýalyna jaýap berý kezinde aitty.
«Biz sessiiany 10 shildege deiin uzartyp, jumysty jalǵastyrmaqpyz. Osy oraida, talqylaýdan ótkizýdi qajet etetin zań jobalary bar jáne olardy maquldaý kerek. Mysaly, memlekettik qyzmetter týraly zań jobasy eskerilip otyr. Bul qujat azamattarymyz úshin qajet. Memqyzmetterdi der kezinde alý úshin tiisti jeńildikti sharalar engizilmek. Sonymen qatar, bizdiń depýtattardyń ózge de bastamashylyq etken zań jobalary bar» ol.
Sonymen qatar, depýtat Vasilii Oleinik aldaǵy ýaqytta atqaratyn jumystar aýqymy kólemdi ekenin aityp, al 10 shildeden keiin depýtattardyń sailaýshylarmen kezdesýi úshin óńirlerge saparlary josparlanǵanyn jetkizdi.
