QR Parlamenti Májilisiniń depýtattary «World cleanup Day» atty eń iri ekologiialyq aktsiiaǵa qatysty.
Qazaqstan Dúniejúzilik tazalyq kúnine Memleket Basshysynyń «Birge - taza Qazaqstan» aktsiiasyn turaqty negizde ótkizý jónindegi tapsyrmalaryn iske asyrý aiasynda qosyldy.
Májilis depýtattary Nur-Sultan qalasynyń Esil ózeni boiyndaǵy saiabaq aýmaǵynda úieńki, qaraǵash, emen, qaraǵai, shyrsha, qaraǵai kóshetterin otyrǵyzdy. Osylaisha depýtattar Nur-Sultannyń oń jaǵalaýyndaǵy qazaqstandyqtardyń belsendi demalysy úshin qolaily da zamanaýi keńistikke ainaldyratyn aimaqty abattandyrýǵa óz úlesterin qosty.
Eldi kógaldandyrý - Memleket basshysy Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Joldaýynda qoiǵan mańyzdy mindetteriniń biri. Aldaǵy bes jylda orman qoryna 2 milliardtan astam, eldimekenderge 15 million aǵash otyrǵyzý josparlanyp otyr.
Búgingi tańda ekologiia jáne qorshaǵan ortany qorǵaý máseleleri Májilis depýtattarynyń únemi nazarynda. Osyǵan sáikes, Palata ekologiialyq zańnamany jańǵyrtýǵa baǵyttalǵan birqatar zań jobalaryn ázirleý ústinde. Onyń ishinde jańa «Ekologiialyq kodekstiń» jobasy bar.
Sonymen qatar, Májilis depýtattary eldiń ekologiialyq ahýalyn jaqsartý úshin qajetti zańdar qabyldaý, innovatsiialyq tehnologiialardy engizý, aldyn alý sharalaryn ázirleý jáne halyqtyń ekologiialyq mádenietin kóterýdi qajet dep sanaidy. Depýtattardyń pikirinshe, bul halyqtyń ómir súrý sapasyn jaqsartýdyń jáne tutastai alǵanda eldiń turaqty damýynyń qajetti alǵysharty.
Ár túrli ekologiialyq naýqandarǵa qatysý qorshaǵan ortaǵa uqypty jáne jaýapkershilikpen qaraýǵa, ekologiialyq qundylyqtardyń qalyptasýyna yqpal etedi.
