Búgin Májilis Spikeri Erlan Qoshanovtyń tóraǵalyǵymen biýro otyrysy ótip, onda aldaǵy jalpy otyrystyń kún tártibiniń jobasy naqtylandy, dep habarlaidy "Ult aqparat" tómengi palatanyń baspasóz qyzmetine silteme jasap.
Depýtattarǵa sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly zań jobasyn birinshi oqylymda qaraý usynyldy.
Zań jobasynda memlekettik qyzmetshiler, olarǵa teńestirilgen adamdar, olardyń jubailary shyǵystarynyń atalǵan adamdardyń kiristerine sáikestigin baqylaý engiziledi ári fiskaldyq jáne mansaptyq sanktsiialar belgilenedi. Bul rette árbir jaǵdaida adamǵa shyǵystarynyń zańdylyǵyn negizdeý múmkindigi beriletin bolady. Atalǵan jańalyqtardy halyqty jalpyǵa birdei deklaratsiialaýmen tolyq aýqymdy qamtýdy eskere otyryp, 2027 jyldan bastap qoldanysqa engizý josparlanyp otyr. Túzetýlerdiń ekinshi blogy sybailas jemqorlyq faktileri týraly habarlaǵan adamdardy qorǵaý júiesin qalyptastyrýǵa baǵyttalǵan.
Palata qaraýyna volonterlik qyzmet, qaiyrymdylyq, memlekettik áleýmettik tapsyrys jáne úkimettik emes uiymdarǵa arnalǵan granttar máseleleri boiynsha túzetýler týraly zań jobasy birinshi oqylymda engizilmek.
Biýro otyrysynda qorǵanys ónerkásibi jáne memlekettik qorǵanystyq tapsyrys týraly zań jobasyn jumysqa alý máseleleri qaraldy.
Sonymen qatar Májilis Biýrosy «Jańa Qazaqstan» depýtattyq tobyn tirkedi.
