بٷگٸن مەجٸلٸس سپيكەرٸ ەرلان قوشانوۆتىڭ تٶراعالىعىمەن بيۋرو وتىرىسى ٶتٸپ, وندا الداعى جالپى وتىرىستىڭ كٷن تەرتٸبٸنٸڭ جوباسى ناقتىلاندى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
دەپۋتاتتارعا سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن بٸرٸنشٸ وقىلىمدا قاراۋ ۇسىنىلدى.
زاڭ جوباسىندا مەملەكەتتٸك قىزمەتشٸلەر, ولارعا تەڭەستٸرٸلگەن ادامدار, ولاردىڭ جۇبايلارى شىعىستارىنىڭ اتالعان ادامداردىڭ كٸرٸستەرٸنە سەيكەستٸگٸن باقىلاۋ ەنگٸزٸلەدٸ ەرٸ فيسكالدىق جەنە مانساپتىق سانكتسييالار بەلگٸلەنەدٸ. بۇل رەتتە ەربٸر جاعدايدا ادامعا شىعىستارىنىڭ زاڭدىلىعىن نەگٸزدەۋ مٷمكٸندٸگٸ بەرٸلەتٸن بولادى. اتالعان جاڭالىقتاردى حالىقتى جالپىعا بٸردەي دەكلاراتسييالاۋمەن تولىق اۋقىمدى قامتۋدى ەسكەرە وتىرىپ, 2027 جىلدان باستاپ قولدانىسقا ەنگٸزۋ جوسپارلانىپ وتىر. تٷزەتۋلەردٸڭ ەكٸنشٸ بلوگى سىبايلاس جەمقورلىق فاكتٸلەرٸ تۋرالى حابارلاعان ادامداردى قورعاۋ جٷيەسٸن قالىپتاستىرۋعا باعىتتالعان.
پالاتا قاراۋىنا ۆولونتەرلٸك قىزمەت, قايىرىمدىلىق, مەملەكەتتٸك ەلەۋمەتتٸك تاپسىرىس جەنە ٷكٸمەتتٸك ەمەس ۇيىمدارعا ارنالعان گرانتتار مەسەلەلەرٸ بويىنشا تٷزەتۋلەر تۋرالى زاڭ جوباسى بٸرٸنشٸ وقىلىمدا ەنگٸزٸلمەك.
بيۋرو وتىرىسىندا قورعانىس ٶنەركەسٸبٸ جەنە مەملەكەتتٸك قورعانىستىق تاپسىرىس تۋرالى زاڭ جوباسىن جۇمىسقا الۋ مەسەلەلەرٸ قارالدى.
سونىمەن قاتار مەجٸلٸس بيۋروسى «جاڭا قازاقستان» دەپۋتاتتىق توبىن تٸركەدٸ.
