Májilis koronavirýs infektsiiasynyń taralmaýy úshin barlyq qajetti sharany qabyldaidy, dep habarlaidy Májilistiń baspasóz qyzmeti.
«Májilis koronavirýs infektsiiasynyń taralmaýy úshin barlyq qajetti sharalardy qabyldaýda. Alaida, koronavirýs infektsiiasyn anyqtaýǵa arnalǵan test Májilis depýtattarynyń birinde oń nátije kórsetti. Qazirgi ýaqytta depýtat Bekbolat Tileýhannan infektsiia anyqtalyp, ol qajetti emdeý kýrsyn qabyldaýda. Májilis depýtaty infektsiia anyqtaǵanǵa deiin qashyqtan jumys isteý rejiminde bolǵan. Búgingi tańda depýtattyq korpýstan da, Apparat qyzmetkerlerinen de atalǵan aýrý belgileri anyqtalǵan joq», delingen habarlamada.
Depýtattarǵa karantinniń alǵashqy kúnderinen bastap, Májilis ǵimaratynda jalpy otyrys kúnderi, sondai-aq negizgi zań jobalary boiynsha komitetter men jumys toptarynyń otyrystarynda ǵana kelýge keńes berilgen.
«Osy turǵyda, jasy 65-ten asqan Májilis depýtattary qashyqtyqtan jumys isteý rejimine ótti. Barlyq jalpy otyrystar onlain rejiminde taratylýda. Jumys toptarynyń jetekshileri zań jobalary boiynsha jumysty bailanystyń qazirgi túrleri aýdio-video konferentsiialar, konferentsiialyq qońyraýlar jáne t.b.arqyly uiymdastyrýda. Májilis ǵimaratynda karantinniń alǵashqy kúnderinen bastap koronavirýstyq infektsiianyń taralýyn boldyrmaityn saqtyq sharalary engizildi», delingen habarlamada.
Epidemiologiialyq baqylaý úshin ǵimarattyń kireberisteri sensor dene qyzýyn ólshegish jáne antiseptikpen jabdyqtalyp, ǵimarat dezinfektsiialyq quraldarmen óńdelip, maskalyq tártip qatań saqtalýda. áApparat qyzmetkerleri arasyndaǵy áleýmettik qashyqtyq ornatylyp, olardyń 80%-y qashyqtaǵy jumys tártibine aýysty. Sonymen qatar, jalpy otyrysqa qatysatyn Májilis depýtattary jáne apparat qyzmetkerleri únemi koronavirýstyq infektsiiaǵa qarsy testiler tapsyrady», delingen habarlamada.
