Májilistiń jalpy otyrysynda «Qazaqstan Respýblikasynyń keibir zańnamalyq aktilerine aýyldyq eldi mekenderde internettiń qoljetimdiligin qamtamasyz etý máseleleri boiynsha ózgerister men tolyqtyrýlar engizý týraly» zań jobsy ekinshi oqylymda maquldandy, dep habarlaidy "Ult aqparat".
Zań jobasy aýyldyq eldi mekenderdi internetke keńjolaqty qoljetimdilikpen qamtamasyz etý maqsatynda ázirlendi. Osy zań jobasy 2020 jylǵy 3 maýsymda birinshi oqylymda maquldandy.
Jumys toby aiasynda zań jobasymen jumys isteý barysynda depýtattar túzetýler engizdi.
Bul túzetýler: jalpyǵa ortaq paidalanylatyn avtomobil joldarynyń boiynan bólingen beldeý sheginde uialy nemese spýtnik bailanysy jabdyǵyna arnalǵan antenna-dińgekti qurylystar men tireýishter salý jónindegi normalardy naqtylaýǵa; uialy nemese spýtniktik bailanys operatorynyń ótinishi boiynsha jergilikti atqarýshy organdardyń uialy nemese spýtniktik bailanys jabdyǵyna arnalǵan antenna-dińgekti qurylystar men tireýishter salý úshin elektrmen jabdyqtaý júrgizilgen jerdi berýi jónindegi normalardy naqtylaýǵa baǵyttalǵan.
Depýtattar Qazaqstan Respýblikasynyń qoldanystaǵy zańnamasyna jáne zań tehnikasynyń talaptaryna sáikes keltirý boiynsha, sondai-aq zań jobasynyń jekelegen normalaryn naqtylaityn jáne mazmunyn jaqsartatyn túzetýler engizdi.
Jumys tobyna turaqty komitetter men Májilis depýtattarynan 30 usynys kelip túsip, olar múddeli ministrlikter, vedomstvolar, bailanys operatorlary jáne qoǵamdyq uiymdar ókilderiniń qatysýymen jumys tobynyń otyrystarynda, Komitettiń keńeitilgen otyrystarynda talqylandy.
