Renat Aitaev Májilis apparatynyń basshysy bolyp taǵaiyndaldy, - dep habarlaidy "Ult aqparat"Parlament palatasynyń baspasóz qyzmetine silteme jasap.
"Biýro otyrysynda Májilis tóraǵasy Erlan Qoshanov palata apparatynyń jańa basshysy Renat Qurmetjanuly Aitaevty tanystyrdy", - delingen habarlamada.
Renat Aitaev buǵan deiin QR Prezidenti Ákimshiligi basshysy hatshylyǵynyń meńgerýshisi qyzmetin atqarǵan.
Ol 1976 jyly 10 qyrkúiekte dúniege kelgen. Serikbaev atyndaǵy Shyǵys Qazaqstan memlekettik tehnikalyq ýniversitetin, sondai-aq Qazaq memlekettik zań akademiiasyn bitirgen.
Eńbek jolyn 1998 jyly bastady.
Osy jyldary Memlekettik kiris ministrliginde, Kedendik baqylaý agenttiginde, Qarjy ministrliginde, Eńbek jáne halyqty áleýmettik qorǵaý ministrliginde, Indýstriia jáne saýda ministrliginde, premer-ministr keńsesinde qyzmet etti.
2010-2017 jyldary - premer-ministr keńsesiniń Indýstrialdy-innovatsiialyq damý bóliminiń meńgerýshisi.
2017-2019 jyldary - premer-ministr keńsesi basshysynyń orynbasary, premer-ministr keńsesiniń Ádep jónindegi ýákili.
2019 jyly Prezident Ákimshiligi basshysy hatshylyǵynyń meńgerýshisi bolyp taǵaiyndaldy.
