Búgin QR Parlamenti Májilisiniń depýtattary Memlekettik qyzmet isteri agenttiginiń tóraǵasy laýazymyna taǵaiyndalǵan áriptesteri Anar Jaiylǵanovanyń depýtattyq ókilettigin merziminen buryn toqtatý týraly qaýly qabyldady, dep habarlaidy Baq.kz agenttigi.
Ortalyq sailaý komissiiasynyń múshesi Baqyt Meldeshov Parlament Májilisiniń jalpy otyrysynda osy másele týraly baiandama jasady.
«QR Ortalyq sailaý komissiiasy QR Konstitýtsiiasynyń 52-babyna, QR Parlamenti jáne onyń depýtattary týraly mártebesi týraly Konstitýtsiialyq zańy 24-babynyń 2,3, 8-tarmaqtaryna sáikes QR Prezidentiniń Jaiylǵanovany Memlekettik qyzmet isteri agenttiginiń tóraǵasy qyzmetine taǵaiyndaý týraly 2019 jylǵy 14 maýsymdaǵy №16 jarlyǵy negizinde Parlament Májilisiniń depýtaty Anar Jaiylǵanovanyń ókiletiliginiń merziminen buryn toqtatý týraly máseleni sheshý úshin usynym engizilip otyr», - dedi ol.
Májilis depýtattary daýys berip, biraýyzdan qaýly qabyldady.
«Qimai júrsiz bizdi, sodan keiin kóremiz endi. (...) Parlamenttegi jumystaryńyz úshin barlyq depýtattar atynan alǵysymyzdy bildiremiz. Barsha áriptesterimiz sizdi óte bilikti zańger, tájiribeli maman retinde jaqsy biledi. Májiliste zańnama jáne sot-quqyqtyq reforma komitetiniń múshesi boldyńyz. Endi mine Memlekettik qyzmet isteri agenttigi tóraǵasy laýazymyna taǵaiyndaldyńyz. Óte laýazymdy jumys. Barlyq depýtattardyń atynan jańa jumysta úlken tabys tileimiz», - dedi Nyǵmatýlin.
Sodan keiin Májilis tóraǵasy Jaiylǵanovaǵa barlyq depýtat atynan alǵys hat pen gúl shoǵyn tabys etti.
«Birinshiden, QR Parlamenti Májilisiniń depýtaty retinde sizdermen birge jumys istegenim úshin Elbasyǵa sheksiz alǵys bildirgim keledi. Ekinshiden, Nurlan Zairýllauly, sizge úlken kóp rahmet. Sizdiń basshylyǵyńyzdyń arqasynda úlken-úlken, keremetei zańdar qabyldanyp, iske asyrylyp jatyr. Sizdiń tájiribeńiz úshin, mektebińiz úshin erekshe alǵys aitqym keledi. Alǵashqy qadamymdy qarjy jáne biýdjet komitetinen bastaǵandyqtan, olarǵa da rahmet. Kóp jul jumys istegen zańnama jáne sot-quqyqtyq reforma komitetine alǵys aitamyn. Úlken aǵa býynǵa tájiribelerińizben menimen almasqandaryńyz úshin, úiretkenderińiz úshin sheksiz alǵysymdy bildirgim keledi», - dep sózin túiindedi Jaiylǵanova.
