QR Májilistiń áleýmettik-mádeni damý komitetiniń májilisinde Aida Ǵalymqyzy Balaeva Qazaqstan Respýblikasynyń Aqparat jáne qoǵamdyq damý ministri retindegi kandidatýrasyn qoldady. Bul týraly "Ult aqparat" Májilistiń baspasóz qyzmetine silteme jasap habarlaidy.
Májilis depýtattary atalǵan taqyrypty «Qazaqstan Respýblikasynyń Parlamenti jáne onyń depýtattarynyń mártebesi týraly» Konstitýtsiialyq Zańnyń 22-1 babyna sáikes qarastyrdy.
Qazaqstan Úkimet basshysynyń tapsyrmasy boiynsha kandidatýrany Premer-Ministr Keńsesiniń basshysy Ǵalymjan Qoishybaev tanystyrdy.
Otyrys qorytyndysy boiynsha QR Aqparat jáne qoǵamdyq damý ministri laýazymyna taǵaiyndaý úshin Aida Ǵalymqyzy Balaevanyń engizilgen kandidatýrasyn usyný týraly komitettiń qorytyndysy qabyldandy.
