21-23 tamyzynda Majarstannyń Býgats qalasynda dástúrli túrki halyqtardyń úlken Kuryltaiy ótedi. Bul týraly "Ult aqparat" shara uiymdastyrýshylaryna silteme jasap habarlaidy.
Bastaýyn 2007 jyldan alǵan halyqaralyq sharaǵa kúlli túrki-ǵun urpaǵynyń ókilderi qatysady. Quryltai aiasynda ejelgi kóshpendilerdiń dala mádenieti, qolóneri men órkenieti, ulttyq sport túrleri, turmys-salty kórsetiledi.
Sonymen qatar, osy salada eńbektenip júrgen ǵalymdardyń zertteýleri ortaǵa salynyp, ózara tájiribe almasylady.
Quryltai-2020 baǵdarlamasynyń ereksheligi sol, onda biyl álemdegi eń úlken Kiiz úi tigiledi. Kiiz úige uly dala qolbasshysy Atilla (Edil qaǵan) esimi berilgen. Biiktigi 7 metr, diametri 20 metr bolatyn kiiz úidiń negizgi ereksheligi onyń jinalmalyǵynda jáne kóne ǵun dástúri boiynsha jabdyqtalǵanynda. Úidi bezendirýshi ǵalymdaryń aitýynsha, kiiz úidiń ishinen arheologiialyq, antropologiialyq zertteýler barysynda tabylǵan kóne muraǵattar kórmesin tamashalaýǵa bolady. Quryltaidyń taǵy bir ereksheligi, shara qatysýshylary men kelgen qonaqtar, múmkindiginshe, ulttyq kiimin kiip, orta ǵasyrdaǵy (9-10 ǵǵ.) qarý-jaraq, qural-saiman, áshekeilerin kórsetýge tyrysady.
Ádemdegi sońǵy jaǵdailarǵa bailanysty biyl Qazaqstannan resmi delegatsiia kelmese de, Majarstandaǵy qazaq diasporasy men stýdentteri kómegimen qazaq mádenieti men saltyn tanytatyn baǵdarlama daiyndalýda. Biylǵy Quryltaiǵa kári qurlyqtyń kóptegen memleketinde turyp jatqan qandastarymyz keledi dep josparlanyda. Shara urpaq sabaqtastyǵy men ulystar dostyǵynyń bekýine yqpal etedi. Taǵy bir aita keterligi, Majarstan Úkimeti jariialaǵan epidemiologiialyq qaýipsizdik erejelerine sáikes, biylǵy Quryltai densaýlyq saqtaý sharalaryn eskere otyryp, ashyq alańda ótedi.
«Majar-Turan» halyqaralyq qorynyń negizgi maqsaty – erte túrki-ǵun mádenietin jańǵyrtýǵa ǵylymi ortany tartý, sol saladaǵy ǵylymi zertteýler arqyly kópshilikke tarihi tamyrlastyqty tanytý. Esterińizge sala keteiik, túrki halyqtardyń úlken Kuryltaiy – kóshpendiler órkenietin tanytatyn Eýropadaǵy eń iri shara. Tuńǵysh qazaq-majar Quryltaiy «Ǵasyrdan keiingi kezdesý» degen taqyryppen Qazaqstanda ótse (Qostanai obl., Qazaqstan, 2007 j.); ekinshisi 2008 jyly Majarstannyń Bóstórpýsta aýmaǵynda uiymdastyryldy. Úshinshisi «Turan halyqtarynyń Quryltaiy» degen ataýmen 2010 jyly Majarstannyń Býgats mekeninde ótti. Sodan beri túrki halyqtardyń úlken Kuryltaiy dástúrli shara retinde ár eki jylda bir ret uiymdastyrylyp keledi.
