kórneki sýret
Talǵar aýdanynda janýarlarǵa qatygezdik jasady degen kúdikpen 35 jastaǵy er adam ustaldy, - dep habarlaidy Tengrinews.kz tilshisi Almaty oblysy PD baspasóz qyzmetine silteme jasap.
Qylmystyq is qozǵaýǵa janýarlardy qorǵaýshylardyń áleýmettik jelide jariialaǵan sýretteri sebep bolǵan. Qarabulaqta it óleksesi tabylǵan. Talǵar aýdandyq politsiiasy bul aqparatqa den qoiyp, kóp uzamai ittiń 35 jastaǵy iesin anyqtaǵan, ol úi janýaryn óltirgenin moiyndaǵan.
Almaty oblysy PD baspasóz qyzmeti málimetinshe, turǵyn maiyn alý úshin itti soiǵanyn, ony emdik maqsatta paidalanbaq bolǵanyn túsindirgen.
"Aýyl turǵyny óz itin qasaqana óltirgeni anyqtaldy. Endi ol kúdikti retinde QR QK-niń 316-baby 2-bóligi ("Janýarǵa onyń ólimine alyp kelgen qatygezdikpen qaraý") boiynsha jaýapqa tartylady", - delingen habarlamada.
Qazaqstan zańnamasyna sáikes, kúdiktige iri kólemde aiyppul salý, túzeý jumystary nemese elý táýlikke deiin qamaýǵa alý jazasy kózdelgen.
