Qazaqstan halqy Assambleiasynyń resmi ókili taǵaiyndaldy, dep habarlaidy "Ult aqparat".
Aldymen QHA Tóraǵasynyń orynbasary – Hatshylyq meńgerýshisi Marat Ázilhanov Assambleianyń resmi ókilin taǵaiyndaý ne úshin qajet bolǵanyn túsindirdi.
«Assambleianyń biryńǵai resmi ustanymy aitylýy qajet máseleler jii týyndap jatady. Assambleia quramyna resmi túrde kirý barlyq ózekti jáne qoǵamdyq máseleler boiynsha resmi ustanymdy bildirýge múmkindik beredi», - dedi ol QHA Keńesiniń keńeitilgen otyrysynda.
Atalmysh mindet QHA Jýrnalister klýbynyń tóraǵasy Maiia Bekbaevqa júkteletin boldy
«Kásibi jýrnalist Maiia Tólegenqyzy BAQ jumysyn, sondai-aq etnosaralyq qatynastar taqyrybyn jariia etýdiń erekshelikterin jaqsy biledi», - dedi Marat Ázilhanov.
