Qazaqstannyń eńbek sińirgen ártisi, QR Memlekettik syilyǵynyń laýreaty, Shymkent qalalyq opera jáne balet teatrynyń direktory Maira Muhamedqyzy klassikalyq óner salasyndaǵy «BraVo» syilyǵynyń iegeri atandy, dep habarlaidy "Ult aqparat".
Juma kúni Máskeýdegi Úlken teatrdyń tarihi sahnasynda «BraVo» halyqaralyq kásibi mýzykalyq syilyǵyn tabystaý rásimi ótti.
Keshtiń basty oqiǵasy retinde túrli elden kelgen laýreattarǵa altyn skripka kiltteri tabystaldy. Maira Muhamedqyzy 15 nominatsiia ishinen «Áriptes eldiń eń tanymal klassikalyq oryndaýshysy» ataǵyn jeńip aldy.
«BraVo» syilyǵynyń laýreaty ataný – men úshin úlken mártebe. Men reseilik tarapqa shyǵarmashylyq qyzmetimdi joǵary baǵalaǵany jáne óner juldyzdarynyń arasynda bolýǵa múmkindik týǵyzǵany úshin alǵys aitamyn», – dedi Muhamedqyzy.
«BraVo» halyqaralyq kásibi mýzykalyq syilyǵy 2017 jyly Monte Carlo radiosy men «Rýsskaia Mediagrýppanyń» qoldaýymen quryldy.
Jeńimpazdardy anyqtaýdyń negizgi kriteriii – klassikalyq mýzyka salasyndaǵy nominanttardyń oryndaýshylyq sheberligin kórermenderdiń baǵalaýy.
