Energetika ministri Nurlan Noǵaev eldegi maining fermalarynyń qansha elektr energiiasyn tutynyp jatqanyn aitty, dep habarlaidy "Ult aqparat".
Energetika ministri Nurlan Noǵaevtyń el aldyndaǵy eseptik kezdesýin qorytyndylaǵan brifingide kriptovaliýta óndiretin mainiing fermalary tutynyp otyrǵan elektr energiiasy týraly saýal qoiyldy.
«Búgingi tańda bizdiń qolymyzdaǵy aqparat boiynsha Qazaqstan aýmaǵynda 17 maining fermasy tirkelgen. Olar 540 MVt elektr nergiiasyn tutynyp otyr. Bizdiń talap etýimiz boiynsha Salyq kodeksine ózgeris engizilgen bolatyn. Ol ózgeris boiynsha elektr energiiasyn tutynatyn maining fermalary tutynǵany 1 KVt/saǵ elektr qýaty úshin 1 teńge salyq tóleýi kerek», - dedi ministr.
Nurlan Noǵaev maining fermalary halyq tutynatyn elektr qýatyna ortaqtasa almaitynyn basa aitty.
«Salyq salý máselesin tártipke keltirýimiz buǵan deiin bizge belgisiz bolǵan, jasyryn fermalardyń jaryqqa shyǵýyna túrtki bolady dep esepteimiz. Qoǵam arasynda maining óndirisine jumsalatyn elektr basqa sanattarda tapshylyq týǵyzýy múmkin degen túsinik bar. Olai emes. Elektr energetikasy týraly zań boiynsha, birinshi kezekte eldiń ishin elektr qýatymen qamtamasyz etýge mindettimiz. Onyń ishinde halyq pen kásiporyndar birinshi kezekte qamtylýy kerek», - dedi vedomstvo basshysy.
