ەنەرگەتيكا مينيسترٸ نۇرلان نوعاەۆ ەلدەگٸ ماينينگ فەرمالارىنىڭ قانشا ەلەكتر ەنەرگيياسىن تۇتىنىپ جاتقانىن ايتتى, دەپ حابارلايدى "ۇلت اقپارات".
ەنەرگەتيكا مينيسترٸ نۇرلان نوعاەۆتىڭ ەل الدىنداعى ەسەپتٸك كەزدەسۋٸن قورىتىندىلاعان بريفينگٸدە كريپتوۆاليۋتا ٶندٸرەتٸن ماينيينگ فەرمالارى تۇتىنىپ وتىرعان ەلەكتر ەنەرگيياسى تۋرالى ساۋال قويىلدى.
«بٷگٸنگٸ تاڭدا بٸزدٸڭ قولىمىزداعى اقپارات بويىنشا قازاقستان اۋماعىندا 17 ماينينگ فەرماسى تٸركەلگەن. ولار 540 مۆت ەلەكتر نەرگيياسىن تۇتىنىپ وتىر. بٸزدٸڭ تالاپ ەتۋٸمٸز بويىنشا سالىق كودەكسٸنە ٶزگەرٸس ەنگٸزٸلگەن بولاتىن. ول ٶزگەرٸس بويىنشا ەلەكتر ەنەرگيياسىن تۇتىناتىن ماينينگ فەرمالارى تۇتىنعانى 1 كۆت/ساع ەلەكتر قۋاتى ٷشٸن 1 تەڭگە سالىق تٶلەۋٸ كەرەك», - دەدٸ مينيستر.
نۇرلان نوعاەۆ ماينينگ فەرمالارى حالىق تۇتىناتىن ەلەكتر قۋاتىنا ورتاقتاسا المايتىنىن باسا ايتتى.
«سالىق سالۋ مەسەلەسٸن تەرتٸپكە كەلتٸرۋٸمٸز بۇعان دەيٸن بٸزگە بەلگٸسٸز بولعان, جاسىرىن فەرمالاردىڭ جارىققا شىعۋىنا تٷرتكٸ بولادى دەپ ەسەپتەيمٸز. قوعام اراسىندا ماينينگ ٶندٸرٸسٸنە جۇمسالاتىن ەلەكتر باسقا ساناتتاردا تاپشىلىق تۋعىزۋى مٷمكٸن دەگەن تٷسٸنٸك بار. ولاي ەمەس. ەلەكتر ەنەرگەتيكاسى تۋرالى زاڭ بويىنشا, بٸرٸنشٸ كەزەكتە ەلدٸڭ ٸشٸن ەلەكتر قۋاتىمەن قامتاماسىز ەتۋگە مٸندەتتٸمٸز. ونىڭ ٸشٸندە حالىق پەن كەسٸپورىندار بٸرٸنشٸ كەزەكتە قامتىلۋى كەرەك», - دەدٸ ۆەدومستۆو باسشىسى.
