© Photo : Press-slýjba akima Pavlodarskoi oblasti
"Maiqaiyń-altyn" AQ taý-ken aýdanyndaǵy opyrylǵan jerde izdestirý jumystary jalǵasyp jatyr, dep habarlaidy Pavlodar oblystyq ákimdigi.
Ákimdiktiń málimetinshe, keshe keshkisin qazba jumystary kezinde qutqarýshylardyń avtobýsy tabyldy.
Aýa raiyna qolaisyzdyǵyna (jańbyr men jel) jáne topyraqtyń qulaý qaýpiniń saqtalýyna bailanysty jumystar asa saqtyqpen júrgizilýde.
"Búgin tańǵy saǵat 05.00-den bastap izdestirý jumystary qaita jandandy. Qazirgi ýaqytta kóliktiń aldyńǵy bóligine deiin jetý múmkin boldy, bamperi men dońǵalaǵy ǵana kórindi", - delingen habarlamada.
55 jastaǵy tórtinshi qutqarýshy, júrgizýshi Aiyp Tileýbergenovtiń denesi áli tabylǵan joq.
Aita keteri, Maiqaiyń kenishi shahtasynyń mańynda tórt jolaýshysy bar avtobýs tazartý keńistigine qulap ketken. Apat kezinde onda tórt adam bolǵan. Dál sol kúni ekeýiniń denesi tabyldy. Keiinnen úshinshi adamnyń denesi tabylǵan bolatyn. Izdestirý jumystary bir ret toqtatylǵan.
