Maiqaiyń kenishi aýmaǵyndaǵy izdestirý jumystary qaita jandandy

Foto: Pavlodar oblysynyń Tótenshe jaǵdailar departamenti

Maiqaiyń kenishi aýmaǵyndaǵy izdestirý jumystary qaita jandandy. Ázirshe oiyq túbine tehnika ózdiginen júrip baratyndai qaýipsiz jol salynýda. Bul iske «Maiqaiyńaltyn» AQ jaýaptandy, - dep habarlady oblystyq TJD.

Qazir kenish aýmaǵyndaǵy avtobýs túsip ketken oiyq ainalasyna topyraq úiilip, qorshaý jasalýda. Taý-injenerlik jumystaryn júrgizýge arnalǵan joba ázirlenip jatyr.

«Aýyr tehnikanyń kómegimen búiirlik transheialar keńeitilip, oiyqtyń túbine deiingi appareli tereńdetile tússýde. Atalǵan sharýalarmen kásiporynnyń ózi shuǵyldanyp jatyr. Pavlodar oblysy TJD kúshteri men quraldary tótenshe jaǵdai ornynda kútý rejiminde tur» dep habarlady óńirlik tótenshe jaǵdailar departamentinen.

Oiyq túbine deiin tehnikalardy jetkizýge múmkindik beretin qaýipsiz jol salynyp bolǵan soń izdestirý-qutqarý qaita jalǵasatyn bolady.