Boks áleminde aty ańyzǵa ainalǵan 54 jastaǵy Maik Taisonnyń bir nemese birneshe jekpe-jek ótkizý úshin boksqa qaityp oralatyny týraly jańalyǵyn kópshilik qyzý talqylaýda. Boksshy kishi Roi Djonspen jekpe-jekke shyǵatyny týraly kelisti. Bul týraly Sport.kz saity habarlady.
Bári Maiktyń bir snariadty shiraq soqqylap otyrǵany jazylǵan qysqa videodan bastalǵan.
«Senderge birdene aitaiyn. Qysqasy, men bul 30 sekýnd videony jazyp alǵannan keiin bir apta tósek tartyp qaldym. Bul kúlkili jaǵdai emes», - dedi Taison.
Maik boksqa oralý ideiasy qaidan shyqqany eske aldy.
«Men zaiybymmen artyq salmaǵym týraly áńgimelesken edim. Ol maǵan: «Júgirý trenajerimen kúnine 15 minýt jattyqsań qaitedi?» degen. Aqyry sol 15 minýt kúnine 2 saǵat jattyǵýǵa ainaldy», - deidi Maik.
«Men salmaqtan aryla bastadym. Sosyn kúieýbalam maǵan 30-40 million dollar úshin judyryqtasýǵa usynys bolyp jatqanyn jetkizdi. Ol maǵan bul adamnyń Bob Sap ekenin aitty. Aqyry, biz onymen judyryqtasatynymyz týraly kelistik. Daiyndyq pen ózińdi qalpyna keltirý – eki túrli nárse. Ózińdi qalpyna keltirý – bul kúndelikti kiimińdi kigenmen teń. Al burynǵy qalpyna oralý – óz janyńnyń syrtyna shyǵyp ketkenmen birdei. Buny avtomatty túrde jasaý múmkin emes», - dep atap ótti Maik Taison.
Eske salsaq, buǵan deiin Maik Taison men kishi Roi Djonstyń jekpe-jegi 12 qyrkúiekte Kaliforniiada (AQSh) ótetindigi týraly habarlaǵan bolatynbyz.
