بوكس ەلەمٸندە اتى اڭىزعا اينالعان 54 جاستاعى مايك تايسوننىڭ بٸر نەمەسە بٸرنەشە جەكپە-جەك ٶتكٸزۋ ٷشٸن بوكسقا قايتىپ ورالاتىنى تۋرالى جاڭالىعىن كٶپشٸلٸك قىزۋ تالقىلاۋدا. بوكسشى كٸشٸ روي دجونسپەن جەكپە-جەككە شىعاتىنى تۋرالى كەلٸستٸ. بۇل تۋرالى Sport.kz سايتى حابارلادى.
بەرٸ مايكتىڭ بٸر سناريادتى شيراق سوققىلاپ وتىرعانى جازىلعان قىسقا ۆيدەودان باستالعان.
«سەندەرگە بٸردەنە ايتايىن. قىسقاسى, مەن بۇل 30 سەكۋند ۆيدەونى جازىپ العاننان كەيٸن بٸر اپتا تٶسەك تارتىپ قالدىم. بۇل كٷلكٸلٸ جاعداي ەمەس», - دەدٸ تايسون.
مايك بوكسقا ورالۋ يدەياسى قايدان شىققانى ەسكە الدى.
«مەن زايىبىممەن ارتىق سالماعىم تۋرالى ەڭگٸمەلەسكەن ەدٸم. ول ماعان: «جٷگٸرۋ ترەناجەرٸمەن كٷنٸنە 15 مينۋت جاتتىقساڭ قايتەدٸ?» دەگەن. اقىرى سول 15 مينۋت كٷنٸنە 2 ساعات جاتتىعۋعا اينالدى», - دەيدٸ مايك.
«مەن سالماقتان ارىلا باستادىم. سوسىن كٷيەۋبالام ماعان 30-40 ميلليون دوللار ٷشٸن جۇدىرىقتاسۋعا ۇسىنىس بولىپ جاتقانىن جەتكٸزدٸ. ول ماعان بۇل ادامنىڭ بوب ساپ ەكەنٸن ايتتى. اقىرى, بٸز ونىمەن جۇدىرىقتاساتىنىمىز تۋرالى كەلٸستٸك. دايىندىق پەن ٶزٸڭدٸ قالپىنا كەلتٸرۋ – ەكٸ تٷرلٸ نەرسە. ٶزٸڭدٸ قالپىنا كەلتٸرۋ – بۇل كٷندەلٸكتٸ كيٸمٸڭدٸ كيگەنمەن تەڭ. ال بۇرىنعى قالپىنا ورالۋ – ٶز جانىڭنىڭ سىرتىنا شىعىپ كەتكەنمەن بٸردەي. بۇنى اۆتوماتتى تٷردە جاساۋ مٷمكٸن ەمەس», - دەپ اتاپ ٶتتٸ مايك تايسون.
ەسكە سالساق, بۇعان دەيٸن مايك تايسون مەن كٸشٸ روي دجونستىڭ جەكپە-جەگٸ 12 قىركٷيەكتە كاليفورنييادا (اقش) ٶتەتٸندٸگٸ تۋرالى حابارلاعان بولاتىنبىز.
