AQSh-tyń Memlekettik hatshysy Qazaqstanmen áriptestiktiń basty baǵyttary týraly aitty, dep habarlaidy QazAqparat.
Memlekettik hatshynyń aitýynsha, AQSh Qazaqstannyń iskerlik dosy bolǵanyn jáne solai bolyp qalatynyn aitty.
«Qazaqstan Táýelsizdik alǵaly AQSh-pen iadrolyq qarýdy taratpaý jáne iadrolyq qaýipsizdikke qatysty suraqtar boiynsha tyǵyz jumys isteýde. 2018 jyly AQSh Prezidenti Donald Tramp QR Tuńǵysh prezidenti - Elbasyn qabyldady. Bizdiń kelissózder eki eldiń bolashaǵy jarqyn bolatynyn taǵy bir aiqyndap otyr. Men Memleket basshysy men QR Tuńǵysh Prezidentimen bolatyn búgingi kezdesýdi asyǵa kútýdemin. Prezident Toqaev demokratiianyń ekonomikalyq damýyn nyǵaitýǵa baǵyttalǵan baǵdarlamalyq reformalary týraly, sondai-aq qoǵamnyń Úkimetke degen senimin nyǵaitý týraly baiandady. Biz bul qadamdardy qoldaimyz», - dedi Maik Pompeo.
Sondai-aq, ol Qazaqstan qai memlekettermen iskerlik qarym-qatynasta bolýdy kerektigi týraly tańdaý múmkindigin tolyq qoldaityndaryn aitty.
«Men amerikalyq kompaniialarmen seriktes bolý kez kelgen memleket úshin jaqsy nátije kórsetetinine senimdimin. Bul óte jaqsy kelisimder, olar jumys oryndaryn ashady. Kelisimderdiń ashyqtyǵy jáne jumys sapasyn qamtamasyz etý - amerikalyq júie dál osylai jumys isteidi», - deidi AQSh-tyń Memlekettik hatshysy.
