Kúzgi tumaý maýsymy epidemiologiialyq ahýalǵa keri yqpalyn tigizýi múmkin. Osy infektsiialyq aýrýlardy koronavirýstan qalai ajyratýǵa bolatynyn Qoǵamdyq densaýlyq saqtaý basqarmanyń shtattan tys bas infektsionisti Tamara Utaǵanova aitty, dep habarlaidy QazAqparat.
«Bárimizge belgili kúz ailary túsýimen kóptegen sozylmaly aýrýlardyń órshýibolady. JRVI, tumaý aýrýynan jazdan keiingi álsizdikten keiin aýyryp qalýymyz múmkin. Adamdardyń sozylmaly aýrýlary qozýy yqtimal. Osy ýaqytta adamdar infektsiialyq aýrýlarǵa urymtal keledi. Onyń ishinde koronavirýstyq infektsiia da bar. Eger, basqa JRVI aýyryp aǵzany álsiretetin bolsaq, KVI tolqynyna da álsiz kiremiz. Osyǵan bailanysty qazirgi kezde Juqpaly aýrýlar aýrýhanasynyń eksperttik tobymen, áriptesterimizben úlken masshtabty jumys atqarylyp jatyr. JRVI, tumaý maýsymyna daiyndyq júrgizileýde. KVI qosylǵan jaǵdaida qalai áreket etýdiń algoritmi jasalǵan», - dedi «I.Jekenova atyndaǵy qalalyq klinikalyq juqpaly aýrýlar aýrýhanasy» MKK Tamara Utaǵanova.
Onyń aitýynsha, juqpaly aýrýlardan saqtanýdyń birden-bir tiimdi tásili vaktsinatsiia bolyp tabylady.
«Qaýip tobynda turǵan adamdar 65 jastan asqan kisiler, júkti áielder, jii aýyratyn balalar, júrek, ókpe, búirek sozylmaly aýrýlarymen esepte turǵan adamdar, meditsinalyq qyzmetkerler tumaýǵa qarsy jylda ekpe alady. Tumaýǵa qarsy ekpe jyl saiyn osy ýaqytta josparlanatyn. Biyl KVI boljamyn eskere otyryp, ýaqtyly ózekti bastalyp otyr. Ekpe tumaýdan saqtai otyryp, KVI údeýine, qarqyndy taralýyna keri yqpalyn tigizetini belgili», - dedi maman.
Onyń aitýynsha, tumaý maýsymy biyl 40 aptadan bastap keler jyldyń 20 aptasyna deiin jalǵasady. Iaǵni, 1 qazan men 31 naýryzǵa deiingi aralyq tumaý maýsymy sanalady.
«Jylda qalanyń infektsiialyq qyzmeti osy ýaqyt aralyǵyna daiyndalady. Biylǵy daiyndyq ýaqytynda bastaldy. Álbette, qaladaǵy infektsionist mamandar KVI men tumaýdy ajyrata biledi. Tumaý men JRVI klinikalyq belgileri burynnan belgili. Mamandar differentsialdy diaognostika jasai alady. Tumaý belgileri - dene qyzýy, murynnan sý aǵýy, tamaq qyshýy, aiaq qoldyń syrqyraýy, jótel. Qabaq isip, kóz qyzarady. Simptomdar jedel bastalǵandyqtan birden seziledi. Osyndai belgiler paida bolǵanda, turǵyndarǵa ýchaskelik dárigerge habarlasýyn suraimyz», - dedi ol.
