Qazgidromet 2022 jyldyń maýsymyna arnalǵan aýa raiy boljamyn jariialady, - dep habarlaidy "Ult aqparat".
Sinoptikter maýsymnyń basynda Qazaqstannyń batys jáne ońtústik óńirlerinde jazǵy aýa raiy saqtalatynyn aitty, kúndiz aýa temperatýrasy +25+33 gradýsqa deiin bolady. Mańǵystaý oblysynyń ońtústiginde odan da ystyq bolýy múmkin - +38 gradýs.
"Elimizdiń batysyn qospaǵanda, kóptegen oblysta atmosferalyq fronttardyń ótýimen qysqamerzimdi jańbyr jaýyp, kei jerlerde naizaǵai, burshaq jáne qatty jel kútiledi. Temperatýra salystyrmaly túrde tómen bolady, kúndiz +15+23 gradýs, eldiń shyǵysy men ońtústik-shyǵysynda +20+28 gradýs. Al, soltústik-batys bóliginde Soltústik antitsiklon áserimen túnde aýa temperatýrasy tómendeýi múmkin", - delingen habarlamada.
Maýsymnyń birinshi onkúndiginiń ortasyna qarai, Jerorta teńizi men Orta Aziianyń shyǵys jaǵalaýynan keletin aýa massalary búkil el aýmaǵyndaǵy aýa temperatýrasynyń ystyq bolýyna áser etedi. Sol sebepti termometr baǵandary +28+36 gradýsqa deiin, Qazaqstannyń ońtústik-batysy men ońtústiginde jekelegen kúnderi +40°S deiin kóterilýi múmkin.
"Birinshi onkúndiktiń sońy jáne ekinshi onkúndiktiń basynda — respýblikanyń batysynda, sodan keiin eldiń qalǵan aýmaǵynda jylýdyń tómendeýi boljanady.
Maýsymnyń ekinshi jáne úshinshi onkúndiginde qatty jel, naizaǵai, burshaq, shańdy daýyl men qysqamerzimdi jańbyr turaqty ári ystyq aýa temperatýrasyna aýysady.
Sonymen qatar, aýa temperatýrasy aýytqidy: Qazaqstannyń soltústik jartysynda túnde +15+22°S-tan +5+13°S-qa deiin, kúndiz +28+36°S-tan +18+25°S-qa deiin; eldiń ońtústik jartysynda túnde +18+26°S-tan +10+16°S-qa deiin, kúndiz +33+42°S-tan +25+30°S-qa deiin", - delingen aqparatta.
