Senat spikeri Máýlen Áshimbaevtyń tóraǵalyǵymen Palata biýrosynyń otyrysy ótti, dep habarlaidy "Ult aqparat" joǵary palatanyń baspasóz qyzmetine silteme jasap.
Senat tóraǵasy óz sózinde 10 qańtar kúni ótken Májilis jáne barlyq deńgeidegi máslihattar sailaýyna toqtalyp, daýys berýge qatysqan azamattardyń belsendiligine nazar aýdardy.
«Jýyrda 7-shaqyrylymdaǵy Qazaqstan Parlamentiniń 1-sessiiasy ashylady. Sol jiynda Memleket basshysy elimizdiń saiasi, áleýmettik-ekonomikalyq damýyna arnalǵan naqty mindetterdi belgilep beredi. Parlament Prezidenttiń barlyq bastamasyn nátijeli iske asyrý úshin sapaly zańdar qabyldaý qajet», – dedi Máýlen Áshimbaev.
Biýro otyrysynda depýtattar Májilis maquldaǵan zań jobalaryn bólip, Senattyń 2021 jylǵy 14 qańtarda ótetin otyrysynyń kún tártibin talqylady.
Senatorlar aldaǵy Palata otyrysynda «Qazaqstan Respýblikasynyń Sý kodeksine jergilikti ókildi, ortalyq jáne jergilikti atqarýshy organdar arasynda aýyzsýmen jabdyqtaýdy sýbsidiialaý jónindegi ókilettikterdiń arajigin ajyratý máseleleri boiynsha ózgerister men tolyqtyrýlar engizý týraly» zań jobasyn birinshi oqylymda qaraidy. Bul qujat aýyldyq jerlerdi aýyzsýmen jabdyqtaý jumystaryn ońtailandyrýǵa jáne jańadan qurylǵan júielerdi jeńildigi bar nysandar tizimine qosý isin tezdetýge arnalǵan.
Sonymen qatar depýtattar Senat otyrysynda «Qazaqstan Respýblikasynyń keibir zańnamalyq aktilerine jyljymaityn múlikke quqyqtardy jáne zańdy tulǵalardy memlekettik tirkeý máseleleri boiynsha ózgerister men tolyqtyrýlar engizý týraly» zań jobasyn qaraidy. Atalǵan zań jobasy Parlament depýtattarynyń bastamasymen ázirlengen. Qujat tirkeý rásimderin jáne memlekettik qyzmet kórsetý tártibin ońtailandyrýǵa
múmkindik beredi. Onyń ishinde elektrondy formatta kórsetiletin qyzmet túrleri de bar ekenin atap ótken jón.
Sondai-aq, senatorlar aldaǵy beisenbide Elektrondyq júieniń paidalanylýyn jáne oǵan qyzmet kórsetetin personaldyń jumysyn baqylaý jónindegi komissiia qurý máselesin qaraidy.
