QR Parlamenti Senatynyń tóraǵasy Máýlen Áshimbaev Memleket basshysynyń búgingi Joldaýyna qatysty óz pikirin bildirdi, dep habarlaidy "Ult aqparat".
«Búgin QR Prezidenti Qasym-Jomart Toqaev halyqqa joldaýyn jariialady. Joldaýda óte mańyzdy máseleler kóterildi, ony ózderińiz de estidińizder. Memleket basshysy, ekonomika, áleýmettik, saiasi salalarǵa qatysty aldaǵy basymdyqtardy aiqyndap berdi. Prezidentimiz ekonomikalyq ósimdi qalpyna keltirý, halyqtyń ál-aýqatyn arttyrý, quqyq qorǵaý júiesin ári qarai jańǵyrtý, saiasi reformalardy jalǵastyrý máselelerine jan-jaqty toqtalyp Parlament pen Úkimettiń aldyna naqty mindetter qoidy. Joldaýda aitylǵan tapsyrmalardy zańnamalyq turǵydan ýaqytyly ári sapaly qamtamasyz etý bizdiń negizgi mindetimiz. Osy baǵytta bárimiz nátijeli jumys isteýimiz kerek», - dedi M. Áshimbaev Senat otyrysynda.
Aita keteiik, búgin QR Parlamenti Senatynyń altynshy shaqyrylymy óz jumysyn bastady.
