Táýelsizdiktiń 30 jylynda tarihymyzdy taný, rýhaniiatymyzdy dáripteý jáne ulttyq qundylyqtarymyzdyń órisin keńeitý jolynda aýqymdy jumys atqaryldy. Bul týraly elordada asharshylyq týraly buryn-sońdy jariialanbaǵan qujattar jinaǵyn tanystyrý kezinde Senat tóraǵasy Máýlen Áshimbaev aitty, dep habarlaidy QazAqparat.
Aita keteiik, búgin Senatta Asharshylyq. Golod. 1928-1934 Derekti hronika» atty kitabynyń tórtinshi jáne besinshi tomy tanystyryldy.
«Táýelsizdik kúni qarsańynda ózderińizben kezdeskenime qýanyshtymyn. Biz búgin eldigimiz úshin mańyzdy is-sharaǵa jinalyp otyrmyz. Aldymen, barshańyzdy egemendigimizdiń 30 jyldyq mereili belesimen shyn júrekten quttyqtaimyn. Biz Táýelsizdigimizdiń 30 jyldyq tarihi mejesin aitýly jetistiktermen qarsy alyp otyrmyz. Elbasy Nursultan Nazarbaevtyń strategiialyq saiasatynyń arqasynda barlyq salada tolaiym tabysqa qol jetkizdik. Saiasi-ekonomikalyq jáne áleýmettik baǵytta damýdyń júieli jolyna tústik. Beibitshilik pen kelisimge taban tirei otyryp, halyqaralyq qaýymdastyqta zor abyroi, bedelge ie boldyq. Sonymen birge, 30 jylda tarihymyzdy taný, rýhaniiatymyzdy dáripteý jáne ulttyq qundylyqtarymyzdyń órisin keńeitý jolynda aýqymdy jumys atqaryldy. Shyn máninde, táýelsizdikpen birge qazaqtyń ult retinde qaita dáýirleý kezeńi bastaldy», - dedi Áshimbaev.
Osy oraida ol óshkenimiz janyp, umyt bolǵan dúniemiz qaita jańǵyrǵanyn atap ótti.
«Ana tilimiz ardaqtalyp, dilimiz ben dinimiz, tarihymyz ben dástúrimiz tórden oryn aldy. Egemendiktiń alǵashqy jyldarynda uly Abai men jyr alyby Jambyldyń mereitoilaryn keń kólemde atap ótip, ótkendi ulyqtaýdyń ozyq úlgisin kórsettik. «Mádeni mura» baǵdarlamasy aiasynda biraz kóne jádigerlerimizdi shetelden elge qaitardyq, kóptegen tarihi nysandardy qalpyna keltirý jumystary júrgizildi. «Rýhani jańǵyrý» baǵdarlamasy aiasynda qoǵamdyq sanany jańǵyrtýǵa baǵyttalǵan eleýli jumystar atqaryldy. Qazaq handyǵynyń 550 jyldyǵy, Altyn Ordanyń 750 jyldyǵy siiaqtyǵy ataýly datalarǵa da basa mán berildi. Munyń bári Táýelsizdiktiń arqasy. Eger egemendik bolmasa, osynyń bereýi de bolmaityny túsinikti. Osy rette atalǵan jumystardyń bárine ǵalymdarymyz, tarihshylarymyz úlken úles qosty. Sol úshin ǵalymdarymyzǵa, búgingi sharaǵa qatysyp otyrǵan tarihshylarǵa airyqsha alǵysymyzdy bildiremiz», - dedi Senat tóraǵasy.
