«Nur Otan» partiiasy tóraǵasynyń birinshi orynbasary Máýlen Áshimbaev Kókshetaýdaǵy kópbalaly otbasynyń shańyraǵynda boldy, dep habarlaidy "Ult aqparat".
Eske sala keteiik, osyǵan deiin habarlaǵanymyzdai, «Nur Otan» partiiasy tóraǵasynyń birinshi orynbasary Máýlen Áshimbaev jumys saparymen Kókshetaý qalasynda boldy. Sapar barysynda Máýlen Áshimbaev «Nur Otan» partiiasy Aqmola oblystyq filialynyń kezekten tys HHHI konferentsiiasyna qatysyp, partiianyń oblystyq filialynyń jańadan sailanǵan tóraǵasyna kýálik tapsyrdy.
Sonymen qatar, partiia tóraǵasynyń birinshi orynbasary «Nur Otan» partiiasynyń oblystyq filialynda «Halyqqa kómek» jobasy aiasynda jańasha ekpin alǵan qoǵamdyq qabyldaý bólmesiniń jumysymen tanysty.
«Halyqqa kómek» - tikelei Elbasynyń tapsyrmasymen qolǵa alynǵan joba. Sondyqtan, azamattardyń ótinishterine erekshe mán berip, belsendiligimizdi odan ári arttyramyz. Ár ótinish nazardan tys qalmai, tiisti jumystar júrgiziledi. Bizdiń basty qaǵidamyz - halyqty alańdatqan máselelerdi oń sheship, olarǵa bir jerde jáne dereý qyzmet kórsetý», - dedi Máýlen Áshimbaev.
Partiia tóraǵasy anyqtap bergen mańyzdy basymdyqtardyń biri - «Baqytty otbasy» jobasy. Bul bastama tikelei kópbalaly jáne áleýmettik az qamtylǵan otbasylarǵa júieli qoldaý kórsetýge baǵyttalǵan. Osy joba sheńberinde Máýlen Áshimbaev Kókshetaý qalasyndaǵy kópbalaly Qaqjanovtar otbasynda bolyp, áleýmettik jaǵdaiymen tanysty. Bul otbasy tórt bala tárbielep otyr. Ókinishke qarai, olardyń ekeýi naýqas. Buǵan deiin bul otbasy eki bólmeli páterleriniń qalǵan somasyn ótep, tolyǵymen satyp alý úshin partiiadan qoldaý suraǵan eken. Partiia tóraǵasynyń birinshi orynbasary bul otbasyna 1 million teńgeniń sertifikatyn tapsyrdy.
Sapar sońynda Máýlen Áshimbaev Kókshetaý qalasynda sý tasqyny oryn alǵan vokzal mańy shaǵyn aýdanynyń turǵyndarymen kezdesti. Oblys ákimdiginiń málimeti boiynsha, qazirgi tańda oblys ortalyǵynda sý tasqynyna bailanysty jaǵdai turaqtalǵan. Tótenshe jaǵdaimen kúresý úshin arnaiy tehnikalar men jeke quramnyń 80 adamy jumyldyrylyp, 2000 tekshe metrden astam sý soryldy.
Atalmysh máselege bailanysty Máýlen Áshimbaev partiianyń jergilikti filialyna tótenshe jaǵdaimen kúres jumystaryn baqylaýda ustap, zardap shekken ár azamatqa memleket tarapynan beriletin mindetti kómektiń kórsetilýin qadaǵalaýdy tapsyrdy.
.jpeg)