Rasymen, bes birdei búldirshinniń qapyda qaza bolýy tutas halyqtyń qabyrǵasyn qaiystyryp jiberdi. Ókinishten ózegimiz órtenedi. Biraq amal joq. Endi osyndai qasirettiń qaitalanbaýy úshin áreket etýimiz kerek.
Bul jait qoǵamdaǵy keibir ózekti máselelerdiń kezek kúttirmei sheshýdi qajet etetinin kórsetip berdi. Shyn máninde, kóp balaly otbasylarǵa júieli qoldaý kórsetý, jumys isteitin analarǵa laiyqty jaǵdai jasaý jáne balalar quqyǵyn qorǵaý máselesinde áli de bolsa jetildiretin tustardyń bar ekeni sózsiz. Sondyqtan da halyqtyń járdemaqy, baspana máselesine qatysty aityp, jazyp jatqan sózderi oryndy.
Osyǵan orai «Nur Otan» partiiasy bul baǵyttarda naqty usynystar daiyndaýda. Aldaǵy ýaqytta sol boiynsha Úkimetpen birlesip jumys istep, jaǵdaidyń jaqsarýyna ózimizdiń úlesimizdi qosamyz dep senemin.
Sonymen birge partiia janynan Balalar quqyǵyn qorǵaý jónindegi keńes qurý týraly sheshim qabyldanǵanyn jetkizgim keledi. Osy baǵytta da búkil qoǵam bolyp jumylyp, óskeleń urpaqtyń jarqyn bolashaǵy jolynda birlesip jumys isteiik.
"Nur Otan" partiiasy Tóraǵasynyń Birinshi orynbasary
Máýlen Áshimbaevtyń feisbýktaǵy jazbasynan
