راسىمەن, بەس بٸردەي بٷلدٸرشٸننٸڭ قاپىدا قازا بولۋى تۇتاس حالىقتىڭ قابىرعاسىن قايىستىرىپ جٸبەردٸ. ٶكٸنٸشتەن ٶزەگٸمٸز ٶرتەنەدٸ. بٸراق امال جوق. ەندٸ وسىنداي قاسٸرەتتٸڭ قايتالانباۋى ٷشٸن ەرەكەت ەتۋٸمٸز كەرەك.
بۇل جايت قوعامداعى كەيبٸر ٶزەكتٸ مەسەلەلەردٸڭ كەزەك كٷتتٸرمەي شەشۋدٸ قاجەت ەتەتٸنٸن كٶرسەتٸپ بەردٸ. شىن مەنٸندە, كٶپ بالالى وتباسىلارعا جٷيەلٸ قولداۋ كٶرسەتۋ, جۇمىس ٸستەيتٸن انالارعا لايىقتى جاعداي جاساۋ جەنە بالالار قۇقىعىن قورعاۋ مەسەلەسٸندە ەلٸ دە بولسا جەتٸلدٸرەتٸن تۇستاردىڭ بار ەكەنٸ سٶزسٸز. سوندىقتان دا حالىقتىڭ جەردەماقى, باسپانا مەسەلەسٸنە قاتىستى ايتىپ, جازىپ جاتقان سٶزدەرٸ ورىندى.
وسىعان وراي «نۇر وتان» پارتيياسى بۇل باعىتتاردا ناقتى ۇسىنىستار دايىنداۋدا. الداعى ۋاقىتتا سول بويىنشا ٷكٸمەتپەن بٸرلەسٸپ جۇمىس ٸستەپ, جاعدايدىڭ جاقسارۋىنا ٶزٸمٸزدٸڭ ٷلەسٸمٸزدٸ قوسامىز دەپ سەنەمٸن.
سونىمەن بٸرگە پارتييا جانىنان بالالار قۇقىعىن قورعاۋ جٶنٸندەگٸ كەڭەس قۇرۋ تۋرالى شەشٸم قابىلدانعانىن جەتكٸزگٸم كەلەدٸ. وسى باعىتتا دا بٷكٸل قوعام بولىپ جۇمىلىپ, ٶسكەلەڭ ۇرپاقتىڭ جارقىن بولاشاعى جولىندا بٸرلەسٸپ جۇمىس ٸستەيٸك.
"نۇر وتان" پارتيياسى تٶراعاسىنىڭ بٸرٸنشٸ ورىنباسارى
مەۋلەن ەشٸمباەۆتىڭ فەيسبۋكتاعى جازباسىنان
