Senat Tóraǵasy, Álemdik jáne dástúrli dinder liderleri Sezi Hatshylyǵynyń basshysy Máýlen Áshimbaev Bas múfti Naýryzbai qajy Taǵanulymen kezdesti. Bul týraly Senattyń baspasóz qyzmeti habarlady.
Kezdesý barysynda dinaralyq dialogty damytý jáne elimizde qoǵamdyq kelisimdi nyǵaitý máseleleri talqylandy.
Máýlen Áshimbaev Qazaqstannyń el ishinde jáne jahandyq deńgeide dinaralyq dialog ideiasyn ilgeriletýge basa mán berip otyrǵanyn atap ótti. Senat Tóraǵasy aldaǵy ýaqytta Sezd Hatshylyǵynyń jumysy dini birlestikter ókilderiniń syndarly bailanysyn nyǵaitýǵa baǵyttalatynyna senim bildirdi.
Senat Tóraǵasy meshit qyzmetkerleriniń pandemiia kezinde azamattarymyzǵa qoldaý kórsetkenin tilge tiek etti. Atap aitqanda, syn saǵatta qaiyrymdy ister uiymdastyryp, muqtaj otbasylarǵa kómek qolyn sozǵan Dini basqarmanyń belsendi jumysyna erekshe nazar aýdardy.
Sondai-aq, taraptar elimizde qoǵamdyq kelisimdi nyǵaitýdyń jáne túrli konfessiia ókilderi arasynda tiimdi bailanys ornatýdyń mańyzyna toqtaldy.
Conymen qatar Máýlen Áshimbaev Orys pravoslav shirkeýiniń Qazaqstandaǵy jetekshisi, Astana jáne Qazaqstan Mitropoliti Aleksandrmen kezdesý ótkizdi.
Máýlen Áshimbaev pravoslav shirkeýi Qazaqstanda qoǵamnyń rýhani damýy jolynda úlken jumys júrgizip jatqanyn atap ótti.
Senat Tóraǵasy biyl Qazaqstannyń pravoslav shirkeýi búkil pravoslav álemine tanymal aǵash sáýlet óneriniń jaýhary bolyp sanalatyn Voznesensk kafedraldy shirkeýiniń oralǵanyna 25 jyl tolýyn atap ótetinin eske saldy. Shirkeý tarihi-mádeni eskertkish mártebesine ie, Qazaqstannyń kieli jerleriniń tizimine engizilgen jáne Almatynyń kórikti ǵimarattarynyń biri bolyp esepteledi.
Álemdik jáne dástúrli dinder liderleri seziniń qorytyndylaryn iske asyrý jumystaryna qatysty pikir almasý júrgizildi, sondai-aq elimizde konfessiiaaralyq kelisim ideialaryn odan ári ilgeriletý máseleleri talqylandy.
