Senat tóraǵasy Máýlen Áshimbaev elimizdegi diplomatiialyq missiiasynyń aiaqtalýyna bailanysty Ázerbaijannyń Qazaqstandaǵy Elshisi Rashad Mammadovty qabyldady. Bul týraly Senattyń baspasóz qyzmetinen málim boldy, dep habarlaidy "Ult aqparat".
Kezdesý barysynda Máýlen Áshimbaev Rashad Mammadovqa Qazaqstan men Ázerbaijan arasyndaǵy dostyq qatynasty nyǵaitýǵa qosqan zor úlesi úshin alǵys bildirdi.
«Bizdiń halyqtarymyz arasyndaǵy bailanys tereńnen tamyr tartady. Táýelsizdik alǵaly beri qatynasymyz ózara senim men túsinistikke negizdelip, jańa mánge jáne strategiialyq seriktestik sipatyna ie boldy. Qazirgi tańda eki eldiń ózara yntymaqtastyǵy tarihi dástúrge taban tirep, barlyq salada nátijeli damyp keledi», – dedi Máýlen Áshimbaev.
Sonymen qatar Senat tóraǵasy parlamentaralyq yntymaqtastyq Qazaqstan-Ázerbaijan qatynasyndaǵy mańyzdy tetikterdiń biri ekenin aitty. Qazirgi tańda eki eldiń parlamentaralyq bailanysy ekijaqty negizde de jáne PA, TMD, TúrkPA, EQYU PA jáne Parlamentaralyq odaq siiaqty halyqaralyq qurylymdar aiasynda da belsendi damyp keledi.
Óz kezeginde, Rashad Mammadov Senat basshylyǵyna Elshi retinde atqarǵan qyzmetine qoldaý bildirgeni úshin alǵysyn jetkizdi.
