Qyrǵyz basshysynyń Qazaqstan týraly málimdemesi saiasi upai jinaý úshin aitylǵan bolýy múmkin. Májilis depýtaty Máýlen Áshimbaev osyndai pikir bildirdi, - dep habarlaidy "Ult aqparat" "Astana" arnasyna silteme jasap.
Ol 2010 jyly el saiasi kúireýdiń aldynda turǵanda, Qazaqstan aiyr qalpaqty aǵaiynǵa kómek qolyn sozǵanyn aitty. Biraq bul málimdemeniń baýyrlas elder arasynda salqyndyq týǵyzbaidy qosa ketti.
Máýlen Áshimbaev, QR Parlamenti Májilisiniń depýtaty:
Ártúrli saiasi kúrester bolýy múmkin. Ártúrli jaǵdailar bolýy múmkin. Upai jinaý úshin. Ózimiz osyndai saraptama jasadyq. Biraq endi munyń barlyǵy eki el arasyndaǵy shynaiy qarym-qatynastardy kórsetpeidi. Kerisinshe, qarym-qatynasymyz konstrýktivti túrde damyp kele jatqanyn aitýymyz kerek.
Buǵan deiin Qyrǵyz prezidenti Almazbek Atambaev Eýroniýs telearnasyna bergen suhbatynda "EAEO kirmesek, Qazaqstan blokada qoiýyn doǵarmas edi" degen málimdeme jasady. Al Qazaqstan Syrtqy ister ministrligi Atambaevtyń bul sózin túsindirýdi talap etip, nota jiberdi. Ázirge resmi jaýap joq.
