Búgin «Nur Otan» partiiasy Tóraǵasynyń Birinshi orynbasary Máýlen Áshimbaev Túrkistan oblysynyń Arys qalasynda bolǵan tótenshe jaǵdaiǵa bailanysty aimaqqa arnaiy keldi, dep habarlaidy "Ult aqparat" atalmysh saiasi uiymnyń baspasóz qyzmetine silteme jasap.
Máýlen Áshimbaev sapar barysynda qaýipsiz jerge kóshirilgen turǵyndarmen kezdesip, apatqa bailanysty qurylǵan oblystyq jedel shtabtyń jumysymen tanysty. Sondai-aq gýmanitarlyq kómek boiynsha ózge óńirlerden kelgen zattardy qarsy alý jumystaryna qatysyp, zardap shekken ata-analarmen jáne balalarmen jumys istep jatqan psiholog mamandarmen júzdesti.
Aldymen Máýlen Áshimbaev oblystyń Ordabasy aýdany Tórearyq aýylyndaǵy Táýke han mektebine at basyn burdy. Bul jerde tótenshe jaǵdaidan zardap shekken Arys turǵyndarynyń bir toby ýaqytsha ornalastyrylǵan. Olarmen kezdesken partiia Tóraǵasynyń Birinshi orynbasary apattyń aityp kelmeitinin nazarǵa alyp, jaǵdaidyń baqylaýda ekenin jáne qalany qaita qalpyna keltirý jumystary júieli túrde júrgiziletinin tilge tiek etti.
Sondai-aq «Nur Otan» partiiasy Tóraǵasynyń Birinshi orynbasary tótenshe jaǵdaidyń Qazaqstan halqy úshin úlken synaq bolǵanyn aityp, bul synnan da súrinbei ótetinimizge senetinin jetkizdi.
- Bul tótenshe jaǵdai qazaqstandyqtardy odan ári biriktirip, uiystyra túskenin kórip otyrmyz. Osy jerde óz erkimen kelip, qoldaý kórsetip júrgen belsendi azamattar da óte kóp. Bul bizdiń bekem birligimizdiń jarqyn kórinisi. Bizdiń kúshimiz - birlikte. Sondyqtan bul synnan da moiymai, eńsemizdi tik ustap shyǵatynymyzǵa kámil senemin, - dedi Máýlen Áshimbaev.
Sonymen qatar ol Ordabasy aýdanynyń Aqjol aýylynda ornalasqan jedel shtabqa arnaiy kelip, atqarylyp jatqan jumys barysymen tanysty. Bul jerde apattyń zardaptaryn joiý jumystaryn úilestirý isi qolǵa alynǵan.
Qazirgi tańda elimizdiń barlyq óńirinen Arysqa qarai gýmanitarlyq kómekter aǵylyp kelip jatqany belgili. Bul halqymyzdyń birligi men birtutastyǵyn kórsetedi. Osy iste «Nur Otan» partiiasy da belsendi áreket etýde.
Oqiǵa bolǵan kúni partiianyń barlyq oblystyq filialynda gýmanitarlyq kómek qabyldaý oryndary ashylyp, olar táýlik boiy jumys istep tur. Alǵashqy kúnniń ózinde partiianyń muryndyq bolýymen Arystaǵy aǵaiynǵa qoldaý retinde Qaraǵandy oblysynan 10 tonna gýmanitarlyq kómek keldi. Budan basqa, Qyzylorda, Aqtóbe, Qostanai, Soltústik Qazaqstan, Batys Qazaqstan, Mańǵystaý, Atyraý, Jambyl jáne Pavlodar oblystary da kiim-keshek, azyq-túlik, dári-dármek, qurylys materialdary tielgen júk kólikterin jóneltti.
Partiia tarapynan uiymdastyrylǵan gýmanitarlyq kómektiń jalpy kólemi 341 tonnany quraidy. Osy aptanyń sońyna deiin qalǵan aimaqtardan da avtokerýender shyǵady. Sondai kómektiń bir tobyn qarsy alǵan Máýlen Áshimbaev «Nur Otan» partiiasynyń bul baǵyttaǵy jumystary ári qarai da jalǵasatynyn aitty.
- Qazirgi tańda partiianyń bastamasymen elimizdiń 9 oblysynan gýmanitarlyq kómekter kelip jetti. Aldaǵy ýaqytta bul jumystar ári qarai da jalǵasady. Endi biz qurylys materialdaryn jáne basqa da qalany qalpyna keltirý jumystaryna qajetti zattardy jiberý máselesin qarastyramyz, - degen Máýlen Áshimbaev zardap shekkenderge kómek retinde aýdarylǵan qarajattyń ashyq ári ádil júrgiziletinin aitty.
Sondai-aq ol jaǵdaidyń turaqty jáne Memleket basshysynyń baqylaýynda ekenin de tilge tiek etti.
- Gýmanitarlyq kómekten bólek, partiia tarapynan zardap shekken ata-analar men balalarǵa psihologiialyq qoldaý kórsetilip jatyr. Jasotandyqtardyń belsendiligin de erekshe atap ótken jón. Memleket basshysy Qasym-Jomart Kemeluly Toqaevtyń ózi arnaiy kelip, jaǵdaimen tanysyp shyqty. Qazir jaǵdai tolyǵymen baqylaýda. Qalany qalpyna keltirý jumystaryna bizdiń partiia da tikelei qatysyp, jumystyń júieli túrde júrgizilýin baqylaýda ustaidy, - dedi ol.
Budan basqa partiia qarjylai da qoldaý kórsetýde. Atap aitqanda, Ortalyq apparattan bastap barlyq, iaǵni 17 - aimaqtyq, 230 aýmaqtyq filialdyń qyzmetkerleri bir kúndik eńbekaqylaryn zardap shekkenderge kómek retinde aýdardy.
«Nur Otan» partiiasynyń músheleri, belsendi kásipkerler de bul isten tys qalmai kómek qoldaryn sozýda. Sonyń ishinde máslihattardaǵy partiia fraktsiialarynyń músheleri, partiia aktiviniń ókideri, partiia Saiasi keńesiniń músheleri bar. Sondai-aq bastaýysh partiia uiymdary da belsendilik tanytyp jatyr. Máselen, «Aqtóbemunaigaz SNPS» bastaýysh partiia uiymy 50 million teńge kóleminde qarajat aýdardy. Al Almaty oblystyq máslihatynyń depýtaty, partiia Saiasi keńesiniń múshesi, «BTK GROOP» JShS direktory T.Botabekov óz qarajatyna qurylys materialdary tielgen eki júk kóligin jiberdi.
Sapar sońynda Máýlen Áshimbaev Shymkent qalasyndaǵy M.Áýezov atyndaǵy Ońtústik Qazaqstan Memlekettik ýniversitetiniń №5 jataqhanasyna kelip, osynda ornalasqan balalarmen jumys istep jatqan psiholog mamandarmen kezdesti.
Aita keteiik, qazirgi tańda partiia janyndaǵy Balalar quqyǵyn qorǵaý jónindegi respýblikalyq keńestiń mamandary apat bolǵan aimaqqa kelip, ata-analar jáne balalarmen jumys isteýde. Psihologiialyq kómekten bólek, olar Keńestiń mobildi shtabyn quryp, aimaqtardan kelgen gýmanitarlyq kómekti jinap, taratý jumystaryn úilestirýde. Keńes jumystarynyń aiasynda «Niet» qoǵamdyq qory 2400 balany kiim-keshekpen qamtamasyz etse, «Qasietti jol» qoǵamdyq qory erekshe kútimdi talap etetin balalary bar otbasylardy ýaqytsha turǵyn jailarǵa ornalastyrdy.
