Foto: ashyq derekkóz
Shymkenttegi M.Áýezov atyndaǵy Ońtústik Qazaqstan ýniversitetinde asa iri kólemde biýdjet qarajatyn jymqyrý jáne qylmystyq jolmen alynǵan múlikti zańdastyrý faktisi anyqtaldy, dep habarlaidy Ult.kz.
Qarjylyq monitoring agenttiginiń Shymkent qalasy boiynsha departamenti qylmystyq isti tergep-tekserýdi aiaqtady. Tergeý nátijesinde ýniversitettiń rektor mindetin atqarýshysy, qarjy jáne ákimshilik departamentterdiń direktorlary, sondai-aq seriktes uiymdardyń basshylary kúdikti retinde tanyldy.
Olar ýniversitet atynan jalpy somasy 256 mln teńge quraityn jalǵan kelisimsharttar jasasqan. Bul kelisimsharttar qyzmet kórsetý, qurylys-montaj jumystary men taýar jetkizýdi qamtyǵanymen, is júzinde eshqandai jumys oryndalmaǵan. Jalǵan aktiler negizinde biýdjet qarjysy bailanysy bar kompaniialardyń shottaryna aýdarylyp, keiin qolma-qol aqshaǵa ainaldyrylǵan.
Kúdiktiler qylmystyq kiristerdi zańdastyrý maqsatynda 6 qymbat kólik (Mercedes-Benz S-klass, Lexus LX570 jáne t.b.) pen Shymkent qalasynyń ortalyǵynan quny 254 mln teńge bolatyn elitalyq kottedj satyp alǵan. Olarǵa sot sanktsiiasymen tyiym salyndy.
Tórt kúdiktige qatysty úiqamaq túrindegi bultartpaý sharasy qabyldanyp, qylmystyq is sotqa joldandy.
