Eýropa chempionatynyń alǵashqy oiyndarynyń birinde júregi toqtap qulaǵan 29 jastaǵy oiynshysy Kristian Eriksen óziniń jaǵdaiy týraly aitty, - dep habarlaidy"Chempionat"basylymy.
"Bárine raqmet, men berilmeimin. Qazir jaǵdaiym jaqsy, biraq ózim úshin ne bolǵanyn túsingim keledi. Barshańyzǵa maǵan kórsetken kómekterińiz úshin alǵys aitamyn", - dedi Eriksen La Gazzetta dello Sport basylymyna.
Daniianyń "BT" basylymynyń aqparaty boiynsha, "Inter" quramasynyń jartylai qorǵaýshysy aýrýhanaǵa jatqyzylǵannan keiin birneshe saǵattan soń klýb múshelerine habarlama jibergen.
Eriksen milandyq "Inter" fýtbolshylarynyń WhatsApp-taǵy tobyna: "Jaǵdaiym jaqsy, jaqynda oralamyn dep úmittenemin" dep jazǵan.
Eske salaiyq, EURO-2020 týrniriniń senbidegi Daniia jáne Finliandiia arasyndaǵy matchte Eriksenniń júregi toqtap qalyp, alyńda qulaǵan edi. Fýtbolshyǵa birden kómek kórsetilip, keiin ony aýrýhanaǵa alyp ketti.
