Qazaqstan jýrnalister odaǵynyń tóraǵasy Seiitqazy Mataev pen «QazTAG» aqparattyq agenttiginiń bas direktory Áset Mataevtardyń qylmystyq isi boiynsha sot otyrysy Astanada ótedi. Búgin Astanadaǵy № 2 Esil aýdandyq soty osyndai sheshim shyǵardy. «Qylmystyq is boiynsha basty sot otyrysy Astana qalasyndaǵy № 2 Esil aýdandyq sotynyń nómiri 2015-shi sot zalynda 2016 jyldyń 23 tamyzynda saǵat 10.00-de ótedi. Aiyptalýshylarǵa qatysty bultartpaý sharasy úiqamaq kúiinde qaldyrylsyn»,- dep habarlady tóraǵalyq etýshi sýdia Aqbolat Qurmantaev.
Mataevtardyń qorǵaýshylary sotqa jeti ótinish bildirdi. Sonyń ishinde aiyptalýshylardy úiqamaqtan kepilge bosatýdy surady. Olardyń aitýynsha, qylmysqa tartý ózgerýi qajet. «Biz bul ótinishti bylaisha túsindirgimiz keledi. Seiitqazy Mataev búginge deiin memleket qazynasyna 47 mln. teńge aqsha tóledi. Oǵan qosa, onyń týǵan-týystary qosymsha kepil esebinde quny 6 mln. teńgeden asatyn «Toyota Land Cruizer» avtokóligin berýge daiyn. S. Mataevtyń uly Áset Mataev 500 ailyq eseptik kórsetkish kóleminde kepil berýge daiyn»,- dep málimdedi sotta qorǵaýshylar. Alaida bir saǵatqa jýyq keńesý bólmesine ketken sot bul ótinishti qanaǵattandyrǵan joq.
Ámirlan Álimjan
