Búgin elimizdiń Prezidenti Qasym-Jomart Toqaev álemdegi kúrdeli geosaiasi jaǵdai aiasynda Qazaqstan halqyna Joldaýynda eldiń odan ári damýyn atap ótti. Oblystyq máslihattyń 4-5-6 shaqyrylymdarynyń máslihat depýtaty retindegi jumys edáýir tájiribem bolǵandyqtan, osy aitylǵan bastamalar qoǵamnyń, memlekettiń jáne birinshi kezekte Qazaqstan halqynyń qazirgi zamanǵy suranysyna sai keletinin nyq senimmen aita alamyn.
Prezidenttiń shamadan tys ókilettikterden bas tartý bastamasy saiasi jańarý baǵytyndaǵy taǵy bir qadam bolyp tabylady. Parlamenttiń rólin kúsheitý – «kúshti Prezident, yqpaldy Parlament jáne esep beretin Úkimet» saiasi júie keskin-kelbetin iske asyrý bilik institýttary men jergilikti ókildi organdardyń tepe-teńdigin qamtamasyz etýge baǵyttalǵan.
Atap aitqanda, máslihattarǵa sailaýdyń aralas úlgisin engizý óte ýaqtyly jáne halyqtyń suranysyna jaýap beredi. Máslihattardyń rólin arttyrý jáne olardyń táýelsizdigin qamtamasyz etý úshin máslihat tóraǵasy laýazymy engiziledi. Bul da biraz ýaqyttan beri talqylanyp, búgingi qujatta kórinis tapqan másele bolyp tabylady. Jergilikti basqarý organdaryn qarjylandyrýdy keńeitý jáne olardyń menshik bazasyn keńeitý kózdelip otyr.
Memleket basshysy jergilikti ózin-ózi basqarý organdarynyń jumys isteýiniń irgeli qaǵidattaryn aiqyndaityn qujat bolyp tabylatyn Eýropalyq jergilikti ózin-ózi basqarý hartiiasyn ratifikatsiialaý qajettigi týraly aitty. Osy sharalardyń barlyǵy aǵymdaǵy jyldyń ortasyna deiin júzege asýy tiis. Bul bastamalar halyq pen biliktiń arasyndaǵy senimdi arttyrýǵa septigin tizgizetini anyq.
Aqmaral ÁLNAZAROVA,
Senat depýtaty
