Máslihattardaǵy «Nur Otan» depýtattarynyń reiting nátijesin jurtshylyqqa jariia etý kerek. Bul týraly atalǵan partiianyń atqarýshy hatshysy Ashat Oralov aitty, dep habarlaidy QazAqparat.
«Partiianyń jumysy barynsha ashyq bolýy tiis dep sanaimyz. Búgingi tańdaǵy qoǵamnyń asa ózekti suranystarynyń biri – partiianyń ashyqtyǵy jáne halyqqa jaqyn bolýy», - dedi ol partiianyń kezekten tys sezinde.
Onyń atap ótýinshe, pilottyq joba retinde máslihattardaǵy «Nur Otan» depýtattarynyń reiting júiesi tolyqtai synaqtan ótti.
«Onyń nátijesin jurtshylyqqa jariia etýdi usynamyz. Munymen qatar, partiialyq mobildi qosymsha iske qosylady. Onda azamattar partiianyń jumysy týraly jedel aqparat alyp, qoǵamdyq mańyzdy máselelerge bailanysty túrli saýalnamalarǵa qatysyp, ótinish pen usynys-tilekterin qaldyra alady», - dedi Ashat Oralov.
