Reseidiń AQSh-taǵy elshisi Anatolii Antonov jeksenbi, 20 maýsym kúni tańerteń Máskeýden Niý-Iorkke ushty. Ol AQSh-qa úsh ailyq úzilisten soń oralmaq.
Elshi Djo Baidenniń telesuhbat kezinde "Pýtin kisi óltirýshi me?" degen suraqqa "iá" dep jaýap berýinen soń Máskeýge shaqyrtylǵan.
Sáýirde Resei biliginiń usynysymen AQSh elshisi Djon Sallivan da óz eline qaitqan.
Elshilerdi dipókildikke qaitarý týraly kelisim AQSh prezidenti Djo Baiden men Resei prezidenti Vladimir Pýtinniń 16 maýsym kúngi kezdesýinde jasaldy.
Antonov dúisenbiden bastap Vashingtonnan jumys istei bastaidy.
AQSh elshisi Máskeýge aldaǵa aptada qaitpaq.
Eki eldiń qarym-qatynasy "Qyrǵi-qabaq soǵystan" bergi eń bir shielinisken tusta tur. Elshiler ornyna oralǵanymen, dipmissiia jumysyn shekteitin sharalar áli óz kúshinde. Olardyń arasynda Reseidiń AQSh-ty "dos emes elder" tizimine kirgizýi de bar. Jenevadaǵy kezdesýde eki prezident strategiialyq turaqtylyq pen kiberqaýipsizdik jóninde dialog bastaýǵa kelisti, biraq onyń is júzinde qandai bolatyny áli belgisiz.
