رەسەيدٸڭ اقش-تاعى ەلشٸسٸ اناتوليي انتونوۆ جەكسەنبٸ, 20 ماۋسىم كٷنٸ تاڭەرتەڭ مەسكەۋدەن نيۋ-يورككە ۇشتى. ول اقش-قا ٷش ايلىق ٷزٸلٸستەن سوڭ ورالماق.
ەلشٸ دجو بايدەننٸڭ تەلەسۇحبات كەزٸندە "پۋتين كٸسٸ ٶلتٸرۋشٸ مە?" دەگەن سۇراققا "يە" دەپ جاۋاپ بەرۋٸنەن سوڭ مەسكەۋگە شاقىرتىلعان.
سەۋٸردە رەسەي بيلٸگٸنٸڭ ۇسىنىسىمەن اقش ەلشٸسٸ دجون سالليۆان دا ٶز ەلٸنە قايتقان.
ەلشٸلەردٸ ديپٶكٸلدٸككە قايتارۋ تۋرالى كەلٸسٸم اقش پرەزيدەنتٸ دجو بايدەن مەن رەسەي پرەزيدەنتٸ ۆلاديمير پۋتيننٸڭ 16 ماۋسىم كٷنگٸ كەزدەسۋٸندە جاسالدى.
انتونوۆ دٷيسەنبٸدەن باستاپ ۆاشينگتوننان جۇمىس ٸستەي باستايدى.
اقش ەلشٸسٸ مەسكەۋگە الداعا اپتادا قايتپاق.
ەكٸ ەلدٸڭ قارىم-قاتىناسى "قىرعي-قاباق سوعىستان" بەرگٸ ەڭ بٸر شيەلٸنٸسكەن تۇستا تۇر. ەلشٸلەر ورنىنا ورالعانىمەن, ديپميسسييا جۇمىسىن شەكتەيتٸن شارالار ەلٸ ٶز كٷشٸندە. ولاردىڭ اراسىندا رەسەيدٸڭ اقش-تى "دوس ەمەس ەلدەر" تٸزٸمٸنە كٸرگٸزۋٸ دە بار. جەنەۆاداعى كەزدەسۋدە ەكٸ پرەزيدەنت ستراتەگييالىق تۇراقتىلىق پەن كيبەرقاۋٸپسٸزدٸك جٶنٸندە ديالوگ باستاۋعا كەلٸستٸ, بٸراق ونىڭ ٸس جٷزٸندە قانداي بولاتىنى ەلٸ بەلگٸسٸز.
