Máskeý ýaqytymen 16:00-degi derek boiynsha, Máskeýde Qazaqstan Respýblikasynyń Resei Federatsiiasyndaǵy Elshiliginiń janyndaǵy №265 sailaý ýchaskesinde 950 sailaýshy daýys berdi, dep habarlaidy «QazAqparat» HAA-nyń menshikti tilshisi.
Málim bolǵanyndai, daýys berý qalypty jaǵdaida ótip jatyr, sailaýshylardyń belsendiligi joǵary.
Eske sala keteiik, RF aýmaǵynda 5 sailaý ýchaskesi jumys istep tur: Máskeý, Sankt-Peterbýrg, Qazan, Astrahan jáne Omby qalalarynda. Osy ýchaskelerde Resei aýmaǵynda júrgen qazaqstandyqtar daýys beredi. Daýys berý jergilikti ýaqytpen 07:00-de bastalyp, 20:00-ge sheiin jalǵasady
Sondai-aq, Qazaqstannyń Qyrǵyzstandaǵy Elshiliginiń janyndaǵy №264 ýchaskede tirkelgen sailaýshylar 100 paiyz daýys bergen.
Sailaý komissiiasy ókilderiniń aitýynsha, adamdar tań atysymen sailaýǵa kóptep kele bastaǵan. Kúnniń ekinshi jartysynda ýchaskede tirkeýge alynǵan azamattardyń barlyǵy ózderi tańdaǵan kandidatqa daýys berip úlgergen.
Sailaýshylardyń arasynda stýdentter, týrister, biznesmender, óner maitalmandary boldy.
Eske sala keteiik, Bishkekte búgin Qazaqstannyń 102 jastaǵy halyq ártisi Aisha Abdýllina daýys berdi.
Sonymen qatar opera ánshisi Maira Muhamedqyzy da Bishkekte daýys berdi.
