Máskeýdegi joiqyn daýyldan japa shekkenderdiń sany 140 adamǵa jetti, dep habarlaidy TASS.
«Qazirgi sátte jedel járdem kómegine 140 adam júgingen jáne bul sońǵy kórsetkish emes», - dep málimdegen Máskeýdiń tótenshe jaǵdai qyzmeti.
Daýyl 14 adamnyń ómirin qiyp ketti. Qala meri Sergei Sobianinanyń aitýynsha, Máskeý biligi qaza tapqan adamdardyń januiasyna 1 mln. rýblden ótemaqy tólep beredi.
Eske sala keteiik, keshe, 29 mamyrda Máskeýde alapat daýyl turǵan edi. Jyldamdyǵy sekýndyna 22 metrge jetken jel 600-den asa aǵashty qulatyp, shatyrlardy ushyryp áketti, qaqpalar men jarnama qurastyrmasyn qiratqan bolatyn.
