Máskeýde sovet jazýshysy ári dissident Aleksandr Soljenitsyn turǵan páterde murajai ashyldy. Jazýshy 1974 jyly osy páterde "Arhipelag GÝLAG" kitaby jaryqqa shyqqan soń tutqyndalǵan.
Páter Tver kóshesindegi nómiri 12-úide ornalasqan. Murajaidyń ashylý rásimine jazýshynyń jesiri Natalia Soljenitsyn qatysty. Murajaiǵa Soljenitsynnyń ómiri men shyǵarmashylyǵymen tanystyratyn zattar qoiylǵan.
Máskeýde 11 jeltoqsan kúni Aleksandr Soljenitsyn atyndaǵy kóshedegi saiabaqqa jazýshynyń eskertkishi ornatylǵan. Eskertkishtiń ashylý saltanatyna Resei prezidenti Vladimir Pýtin qatysqan. Sol kúni Vladimirsk oblysynyń Gýs-Hrýstalnyi qalasynda áldebireýler birer kún buryn jazýshyǵa ornatylǵan eskertkish taqtany qiratyp ketken.
Aleksandr Soljenitsyn - Nobel syilyǵynyń laýreaty, stalindik lagerlerde tutqynda otyrǵan, kommýnistik rejimdi synaityn jazýshy. 1974 jyly sovet biligi jazýshyny SSRO-dan jer aýdaryp, ol Reseige 20 jyldan soń ǵana oralǵan. Jazýshy 2008 jyly 3 tamyzda Máskeýde qaitys bolǵan.
