video kadry
Máskeýde kólik urlyǵy pranki úshin 3,5 jylǵa sottalǵan qazaqstandyq bloger Aidyn Túsipov bostandyqqa shyqty, dep habarlaidy Kazinform agenttigi Aqmola oblysy boiynsha QAJD baspasóz qyzmetine silteme jasap.
«Aidyn Túsipov 2023 jylǵy 14 qyrkúiekte Aqmola oblysy boiynsha QAJD №1 mekemesinen shartty túrde merziminen buryn bosatyldy. Turǵylyqty jeri boiynsha Qaraǵandy qalasyna ketti», - dedi Aqmola oblysy boiynsha QAJD baspasóz hatshysy Irina Gornova.
2021 jyly naýryzda bloger Aidyn Túsipov, Ramir Hasanov jáne Ersin Dúmshebai Máskeýde júrip, premiým-klass taksi shaqyrady. Júrgizýshi olardyń ótinishi boiynsha júkterin bagajǵa salyp jatqan kezde blogerlerdiń biri jolaýshynyń ornyna, ekinshisi júrgizýshiniń ornyna otyryp, kólikti aidap ketip qalǵan. Úshinshisi syrttan videoǵa túsirip turǵan. Birneshe minýttan keiin olar qaityp kelip, júrgizýshige bul prank ekenin aitqan.
Qazaqstandyqtar sol kúni ustalady. Al qarashada Máskeýdiń aýdandyq soty qazaqstandyq blogerlerdi 3,5 jylǵa bas bostandyǵynan aiyrdy.
video: akhmadov Youtube arnasynan
