QR Ishki ister vitse-ministri Iýrii Ilin Máskeýge daýyl ákelgen aýa aǵyndary Qazaqstan aýmaǵyn da sharpyp ótýi múmkin ekendigin aitty, dep habarlaidy QazAqparat.
«Tsiklonnyń bizdiń jerimizge kelý-kelmeýi týraly saýalǵa keletin bolsaq, Máskeýge deiingi ara qashyqtyq sonshalyqty az emes. Sinoptikter Máskeýge kenetten kelgen atalǵan fronttyń qozǵalysyn baqylap otyr. Biz Aqmola oblysynda jel kúsheiip, Batys Qazaqstan, Soltústik Qazaqstan oblystarynda temperatýra baǵamy tómendeidi degen eskertý aldyq. Biraq Máskeýdi áýrege salǵan front bizdiń Batys Qazaqstan men Soltústik Qazaqstan oblystarynyń bir bóligin janap ótýi yqtimal. Ol bizge jetkenshe kúshin joǵaltyp, sonshalyqty úlken saldarlarǵa alyp kelmeidi dep úmittenemiz. Biz óz tarapymyzdan qutqarý jasaqtarynyń daiyndyqtaryn pysyqtap qoidyq», - dedi ol Úkimette ótken baspasóz máslihatynda.
Aita keteiik, TASS-tyń habarlaýynsha, Máskeýde oryn alǵan daýyldan 140 adam zardap shekti.
