22 jáne 23 naýryzda Kreml saraiy sahnasynda óner kórsetetin qazaqstandyq ánshi Dimash Qudaibergendi reseilikter Máskeý áýejaiynan zor qoshemetpen qarsy aldy. Qalyń jurt ánshige orys halqynyń dástúrimen nan men tuzdan aýyz tigizdi dep habarlady Sputnik Qazaqstan.
Dimashty qaýmalaǵan jurt onyń qoltańbasyn alyp, birge sýretke túsip qalýǵa tyrysqan. Áýejaida Dimashqa talasqan jurttyń videosy áleýmettik jelilerde jariialanyp jatyr.
Dimashty qaýmalaǵan jurt onyń qoltańbasyn alyp, birge sýretke túsip qalýǵa tyrysqan. Áýejaida Dimashqa talasqan jurttyń videosy áleýmettik jelilerde jariialanyp jatyr.
"Men Sizderdi qatty jaqsy kóremin. Zor qoshemet pen iltipattaryńyzdy, maǵan degen mahabbataryńyzdy qolymnan kelgenshe ónerim arqyly aqtaýǵa tyrysamyn", - deidi videoda Dimash ózi otyrǵan kólikti qaýmalaǵan adamdarǵa.
Iá, ol óz fanattarynan qashpady, kerisinshe bárine birdei jaýap berýge tyrysty. Onyń qarapaiymdylyǵy, ádettegidei jurtshylyqty tánti etti.
Instagramdaǵy paraqshasynda ánshi osyǵan deiin Máskeýdegi kontsertine daiyndalyp jatqan komandasynyń birneshe videosy men sýretterin de júktegen bolatyn.
Aita ketsek, ánshiniń ákesi otandyq baǵdarlamaǵa bergen suqbatynda Dimash negizi Máskeýde bir kún kontsert berýi kerek bolǵanynyn aitqan edi. Biraq qysqa merzim ishinde bilet taýsylyp qalǵandyqtan, reseilik taraptyń usynysyn qaitarmai, kelesi kúni de Dimash sahnaǵa shyǵýǵa kelisimin bergen eken.
